Katherine Heigl ribashkohet me aktorët pas aludimeve

Katherine Heigl u ribashkua me ish-bashkë yjet e saj të “Grey’s Anatomy” Ellen Pompeo, Justin Chambers, James Pickens Jr. dhe Chandra Wilson në Emmy Awards 2024 të hënën mbrëma.

Kasti u shfaq në një dhomë spitali në ceremoninë e ndarjes së çmimeve, ku ata i dhuruan Paul Walter Hauser një trofe për aktorin dytësor të shquar në një seri ose film të kufizuar ose antologjik, për “Back Bird”.

“Kur episodi i parë i ‘Grey’s Anatomy’ u transmetua në mars të vitit 2005, nuk jam e sigurt që Shonda Rhimes e dinte se ajo kishte krijuar një shfaqje që do të kishte një gjurmë të qëndrueshme në televizion dhe do të krijonte miqësi të përjetshme,” filloi Pompeo.

“Mbi 400 episode dhe e më shumë – një nderim për të gjithë ata që kanë qenë pjesë e familjes sonë”, shtoi Chambers.

Heigl, e cila u largua nga shfaqja në vitin 2010, tha: “Dhe po, ka pasur disa ndryshime gjatë viteve. Por e vetmja gjë që ka mbetur konstante është baza e pabesueshme e fansave.”Katherine portretizoi Dr. Izzie Stevens në “Grey’s” nga 2005 deri në 2010, duke fituar një çmim Primetime Emmy për Aktoren e Shquar dytësore në një serial dramë në 2007.

Ajo përmendi kushtet e punës për arsyen e largimit të saj, gjë që nxiti thashethemet se ajo dhe Pompeo nuk shkonin mirë në prapaskenë./Lapsi.al