“Si mund të mendojnë autoritetet e Bregut të Fildishtë se e gjithë kjo është në rregull?” Kështu shkruan gazetari Osasu Obayiuwana në një postim në Twitter, ku denoncon kontrolle të ngjashme me ngacmime seksuale ndaj grave, përpara se të hyjnë në stadium për të ndjekur ndeshjet e Kupës së Kombeve të Afrikës. Postimi përmban edhe një video, në të cilën shihet një police duke vendosur vazhdimisht duart në gjoksin e spektatoreve femra.
How can the #Ivorian authorities think that this is okay? 😳 #TotalEnergiesAFCON2023 cc: @AOuattara_PRCI pic.twitter.com/DzrUVrqIXt
— Osasu Obayiuwana (@osasuo) January 21, 2024
Lexo më tej: Video/ Bregu i Fildishtë turpërohet në Kupën e Afrikës: tifozët sulmojnë lojtarët
“Fakti që ajo është një police nuk është më pak e rëndë”
Videoja bëri me shpejtësi xhiron e botës, duke shkaktuar polemika dhe indinjatë. Komenteve të atyre që theksojnë se është një grua ajo që vendos duart në gjoks, gazetari i përgjigjet duke e cilësuar si jo më pak të rëndë një akt të tillë edhe nëse kryhet nga një police. Osasu Obayiuwana thekson se fakti që një grua i kryen këto kontrolle nuk e zvogëlon seriozitetin e situatës, edhe sepse, ai u përgjigj: “Nuk e di që burrat kontrollohen duke i prekur në gjenitale”. Gjithashtu në rrjetet sociale ka nga ata që pretendojnë se “kontrolle” të këtij lloji kanë bërë edhe policë meshkuj.