Java e 21 e Superiores, parashikohet të jetë shumë e rëndësishme, sidomos për kreun e renditjes. Egnatia, që tani +8, mund të arratiset përfundimisht, duke parë përplasjen direkte të ndjekësve të saj. Në Loro Boriçi në orën 17 do të sfidohen Vllaznia e vendit të tretë, me Partiznin e vendit të dytë.E interesuar edhe Tirana, që kërkon kundër-parakalimin ndaj kuqebluve. Në fund, ndihet frika e fundosjes, sidomos për Teutën.
Super ndeshja e kësaj jave luhet në Shkodër, mes Vllaznisë e Partizanit. Dy skuadrat kanë vetëm 3 pikë diferencë, por skuadra e Osmanit vjen nga 6 fitore radhazi dhe shpreson në ende mos konsolidimin e të kuqve me teknikun Orges Shehi. Të kuqtë nuk është se janë në momentin e tyre ideal, por fitorja në Kupë ktheu perceptimin se gjërat po nisin të ndryshojnë. Shehi nga ana e tij pret një konfirmim, pikërisht në shtëpinë e një rivali direkt.
E interesuar në sfidën në Loro Boriçi është edhe Tirana, që me 30 pikë ka vetëm dy distanca nga shkodranët. Ahmataj, me humbjen e kuqebluve e një fitore të të tijve me Skënderbeun, mund të rifitojë vendin e tretë. Korcarët në anën tjetër me 22 pikë janë në rrezik dhe Gvozdenovic e di se ka nevojë për pikë.
SUPERIORE, JAVA E XXI
28/01/24
Laçi 13 : 30 Teuta
Vllaznia 17 : 00 Partizani
Tirana 17 : 00 Skënderbeu
29/01/24
Egnatia 13 : 30 Erzeni
Dinamo 17 : 00 Kukësi
25 pikë për Laçin, që ka mundësinë më të mirë për tu përfshirë në luftë për Final Four, kur të zbresë i pari në fushë për javën e 21, në orën 13.30, kundër vendit të fundit. Teuta pas barazimit me Tiranën ka krijuar një lloj besimi se mund të nisë ngjitjen drejt shpëtimit, për momentin 5 pikë larg.
Lexo më tej: Partizani luajti gjithçka për gjithçka e humbi 650 mijë euro me Mba: Ibrahimi tregon prapaskenën me Celje
Të njëjtin synim ka edhe Erzeni të hënën, kur të vizitojë Egnatia Arena për tu ndeshur me kryesuesit. 22 pikët nuk janë garanci për Deliallisin, që e di mirë se do të ndeshet kundër kryesuesve që duan të bëhen të pakapshëm nga askush. E mbyll javën Dinamo-Kukësi që ndahen nga vetëm tre pikë, dhe makthi i Mehmetit është ta shohë veten të përfshirë në zonën e rënies.