Praktikisht ishte gjithçka e kryer për huazimin e Moise Kean nga Juventus te Atletico Madrid. Negociatat ishin kompletuar me një marrëveshje mes klubeve dhe akordin mes Colchoneros dhe sulmuesit. Papritur, megjithatë, transferimi u anulua dhe lojtari, i cili ishte në Madrid që nga e diela dhe dëshmitar i fitores 2-0 të ekipit të Simeone kundër Valencias, do të kthehet në Torino.
DËSHTON KALIMI I KEAN TE ATLETICO
Dështoi në mënyrë të bujshme dhe të papritur kalimi i Moise Kean nga Juventus te Atletico Madrid. Negociatat për huazimin e sulmuesit bardhezi ishin ngadalësuar orët e fundit dhe tashmë janë ndërprerë përfundimisht. Sulmuesi i Juventus, i cili ka qenë jashtë fushës për gati një muaj për shkak të një problemi me tibian, kreu teste të hollësishme fizike në Madrid dje. E pas kontrolleve, stafi mjekësor Colchoneros ka dalë në konkluzion se koha e nevojshme për ta parë atë në fushë është shumë më e gjata nga ato të vlerësuara në Itali.
Lexo më tej: Video/ Tridhëmbëshi muzikal Kean-Leao-McKennie: “Së shpejti një këngë së bashku”
Për këtë arsye, pavarësisht kontakteve të vazhdueshme mes dy klubeve dhe përpjekjeve për ndërmjetësim, të cilat vazhduan deri në orët e vona të natës, klubi spanjoll vendosi të mos e presë sulmuesin. Kështu, Kean do të kthehet në Torino, por sigurisht që nuk duket se do të mbetet bardh e zi. Në këtë kontekst këto ditët e fundit të tregut do të jenë vendimtare.
💣🚨 BREAKING: Moise Kean to Atlético Madrid deal has COLLAPSED! He will not play for Atlético Madrid.
[🎖️: @romeoagresti] pic.twitter.com/Qr3ok8aBpd
— Atletico Universe (@atletiuniverse) January 30, 2024