E pabesueshme ajo që ndodhi në Katar në konferencën për shtyp pas eliminimit që pësoi Iraku në fazën e 1/8 të Kupës së Azisë nga Jordania. Pasi mbylli pjesën e parë në avantazh falë golit të Al Naimat, Jordania u përmbys nga golat e Natiq dhe Hussein. Befasia erdhi në shtesë, mes minutave 95′ dhe 97′, Al Arab dhe Al Rashdan i dhanë jordanezëve suksesin 3-2. Disa gazetarë irakianë, siç shihet në një video që po bën xhiron e botës, sulmuan trajnerin e Irakut Jesus Casas dhe u përpoqën ta rrahin. Ndërhyrja e sigurisë shmangu degjenerimin e konfliktit.
Lexo më tej: Video/ Përjashtimi i bujshëm në Kupën e Azisë: episod surreal, i paparë ndonjëherë në futboll
Shumë e kanë kritikuar Casasin se e ka shpërqendruar veten nga roli i tij si trajner duke dhënë shumë intervista gjatë këtij kompeticioni. E kjo ishte edhe pjesërisht arsyeja e humbjes që mori Iraku, një prej kombëtareve më të akredituara në vigjilje për titullin kontinental. Federata irakiane e Futbollit lëshoi një deklaratë duke shprehur “zhgënjimin e saj të madh” për “një skenë që është më e dhimbshme se dalja e pamerituar e ekipit tonë”. “Denoncojmë sjelljen e urrejtjes ndaj trajnerit”, nënvizon federata, e cila merr përsipër “të mos merret me këto media që përpiqen të mbjellin kaos”.
Iraqi Press ATTACK Jesus Casas after Iraq lose to Jordan in the last minute.
Chaos in the conference room.#AsianCup2023 pic.twitter.com/wHXONVS3fY
— InsideWorldFootball (@InsideWorldFoo1) January 29, 2024