Përfundoi 2-2 ndeshja mes Palmeiras dhe Corinthians, e vlefshme për javën e nëntë të kampionatit Paulista 2024. Në fund, pas golit të barazimit të shënuar nga Timão, erdhi reagimi i bujshëm i drejtorit sportiv Ruben Gomes.
Ndeshja u zhbllokua në minutën e 44′ me Palmeiras që kaloi në avantazh falë Endrick (i blerë tashmë nga Real Madrid për 42 milionë euro). Më pas, në minutën e 68′, José Manuel Lopez dyfishoi epërsinë e Verdão. Ndeshja u duk se po shkonta pa probleme drejt bilbilit të fundit, por në minutën e 88′, Yuri Alberto rihapi takimin me një gol që i dha jetë të re Corinthians përpara minutave të fundit.
Megjithatë, shpresat e Timão u duk se u shembën përfundimisht kur, në minutën e 90′, portieri Cassio u përjashtua, duke e detyruar trajnerin të vendosë Gustavo Enrique, një qendërmbrojtës, mes shtyllave. Pasoi një shtesë shumë e gjatë, që në minutën e 100′ solli goditjen e shkëlqyer të dënimit, të realizuar me mjeshtëri nga Rodrigo Garro, që i dhuroi një 2-2 të papritur Corinthians.
FESTIMI I RUBEN GOMES
Një gol që ngjalli gëzimin e tifozëve të pranishëm në stadiumin Barueri në Sao Paulo dhe me këtë rast edhe të drejtorit sportiv të Corinthians, Ruben Gomes. Në grahmat e euforisë ai festoi duke goditur xhamin e tribunës së autoritetit. Një akt, pas të cilit ai u denoncua në polici, për të cilin menaxheri mori përgjegjësinë duke kërkuar falje për atë që ndodhi.
⚠️ ÚLTIMA HORA: Polícia Civil disse que o vidro da Arena Barueri, no camarote, foi quebrado por Rubão, diretor do Corinthians, na comemoração do gol.
O próprio Rubão assumiu a autoria para o delegado César Saad.
Um boletim de ocorrência foi aberto e será investigado, ninguém… pic.twitter.com/jk8Io8WCMh
— Fut Brasileirão. 🇧🇷 (@futbrasileirao_) February 19, 2024