Massimo Moratti dhe Erik Thohir sërish bashkë… në emër të Inter. Sipërmarrësi indonezian, ministër aktual i qeverisë së vendit të tij, postoi një foto në rrjetet sociale me presidentin historik zikaltër, shumë i dashur nga mbështetësit e Benenamata-s. Thohir, i cili bleu klubin nga Moratti, duke u vënë kështu në krye të kampionëve të ardhshëm të Italisë në vitin 2013 për rreth tre vjet (i la vendin Zhang në vitin 2016), nuk e harron presidentin 78 vjeçar të Saras. Ndër temat e takimit, momenti i zikaltërve, por jo vetëm kaq.
Kjo mund të shihet nga postimi në Instagram ku shfaqet një bibliotekë e madhe dhe fjalët ‘W Inter’: “Është kënaqësi të takoj z. Massimo Moratti – shkruhet në postimin e Thohir -. Ne folëm për shumë gjëra në një botë gjithnjë e më dinamike dhe pa kufij, duke përfshirë zhvillimin e futbollit italian dhe atij botëror. Ka një entuziazëm të madh sepse Inter ka një shans të madh për të fituar titullin këtë sezon”.