Rita Ora ka folur së fundmi pa doreza për marrëdhënien me bashkëshortin e saj, regjisorin Taika Waititi, si dhe “xhelozinë” e miqve për të.
“Shumë nga miqtë dhe të njohurit e mi më kanë telefonuar duke thënë se më kanë zili për burrin tim. Mendoj se e njohin atë dhe e dinë se si është Taika”, zbuloi këngëtarja në poscastin, “Table Manners”. “Ne qeshim gjatë gjithë kohës”.
Rita vazhdoi të tregojë detaje nga romanca me regjisorin duke u shprehur se fillimisht e adhuronte bashkëshortin dhe se ai e dinte se ajo është e çmendur pas tij.
“E adhuroja por nuk mendoja se ndiente të njëjtën gjë për mua sepse Taika e dinte që isha e çmendur pas tij. Bota e filmit është ndryshe nga bota e muzikës”, tha Ora, duke shtuar se Taika është më serioz se njerëzit që ka njohur në jetë.