Suedia shkon në çerekfinale, duke marrë më të mirën në sfidën mes dy skuadrave surprizë të Botërorit Rusi 2018. Mjafton një inkursion i Forsberg dhe devijimi i pafat i Akanjit për të shëmbur ëndërrat e Zvicrës së Petkovic, që u la në baltë nga katër lojtarët e tij më të rëndësishëm: Shaqiri, Xhaka, Dzemaili e kapiteni Behrami.
Në ndeshjen më të rëndësishme, atë të fazës me eleminim direkt, Shaqirie të tjerët shuhen nga intensiteti dhe taktika asfiksuese e Suedisë së Anderson. Fantazisti nuk mundi kurrë të bëhej i rrezikshëm dhe vetëm krosime i lejoi në të djathtë Forsberg dhe Agustinsson. Nuk shkoi asnjehërë në goditje, të paktën pa patur përballë një kundërshtar e të njëjtin trajtim pati edhe Xhaka e Dzemaili.
Megjithatë, të vetmet konkluzione të rrezikshme drejt portës së Olsen i takonin sërisht shqiptarëve të Zvicrës, Xhaka e Dzemaili, që duke mos gjetur hapësira mes fanellave të verdha të Suedisë, kërkonin tentativat nga distanca.
Nordikët u dukën shumë më të organizuar, në një ndeshje që duhet pranuar se ishte e ekuilibruar, madje për një periudhë të gjatë me Zvicrën në zotërim të topit. 4-4-2 i Anderson bllokoi helvetët në fazën e moszotërimit dhe i krijoi mundësinë Forsberg e Claesson të kërkonin tentativat, edhe pse ndeshja mbeti e hapur deri në të 66 vetëm sepse suedezët gabuan mundësi që askush nuk do ti falte (Berg e Ekdal).
Suedia nuk ecte kaq mirë në Botëror që nga ai i Usa ’94 kur fitoi vendin e tretë, ndërsa Zvicra nuk shkon në cerekfinale që nga 1954 (turne që u luajt në shtëpi nga helvetët).
https://clips.clippit.tv/dgnprg/720.mp4