Mbrëmjen e djeshme është mbajtur nata e dytë e festivalit “Sunny Hilll” i organizuar nga Dua Lipa dhe babai i saj Dukagjin Lipa në Parkun e Gërmisë në Prishtinë. Disa këngëtarë janë tërhequr dhe kanë anulluar pjesëmarrjen e tyre në minutë të fundit edhe pse publiku priste që ti shihte në skenë.
Por ky nuk ka qenë i vetmi problem me të cilin janë përballur organizatorët mbrëmjen e djeshme. Reperi me origjinë shqiptare Action Bronson mbrëmë është vënë në pranga nga Policia e Kosvës menjëherë pasi ka performuar.
Bronson është arrestuar pasi ka ndezur marijuanë në skenë dhe të njëjtën substancë e ka hedhur në drejtim të publikut. Sipas Indeksonline Bronson pasi është marrë në pyetje nga Prokuroria është liruar në procedurë të rregullt.