Nuk ndalet Manchester United i frymëzuar ashtu si askush nuk e kishte imagjinuar nga tekniku Ole Gunnar Solskjaer. Që kur zëvendësoi Jose Mourinho në pankinën e Old Trafford, norvegjezi njeh vetëm fitore dhe ajo 1-3 në FA Cup kundër Arsenal është mrekullia e tetë e Baby Face Assasin.
Të gjithë të cliruar nga zinxhirët tek Djajtë e Kuq, që nga Romelo Lukaku që me portugezin rrezikoi të dilte një tjetër herë flop, e deri tek Alexis Sanchez që Special One nuk i gjeti kurrë vendin e duhur për ta përdorur. Pa përmendur armikun Martial. Për ironi të fatit, të gjithë shkuan në gol në Emirates, duke shkatërruar idetë e Unai Emery për të vazhduar më tej në këtë kompeticion.
Në fakt janë “Djajtë e Kuq” që kalojnë në rundin e pestë të kupës, me golin e ish-Topcinjve, Alexis Sanchez e Lingard, në tre minuta cmendurie kur prapavija e londinezëve u shthur nga dy asist të Lukaku, protagonist edhe në golin e tretë madje…
Arsenal ishte shumë i brishtë për të bërë rezistencën kundër një skuadre ultra ofensive të Solskjaer, megjithatë pas golit të Pierre-Emerick Aubameyang, në fundin e pjesës së parë, loja mund të merrte tjetër rrjedhë. Deri kur Lukaku nuk ndërmori një kundërsulm shkatërrimtar, ku pas grushtimit të portierit për Martial ishte fare e thjeshtë të mbyllte llogarinë.
Tani United duhet të mendojë për ndeshjen e ardhshme në Premier League. Në “Old Trafford” më 29 janar vjen Burnley, ndërsa Arsenal pret në shtëpi Cardiff City.
Janë të frymëzuar nga Murinjo, nga urrejta që kanë për Murinjon, por që nuk ja zbehin dot meritat. Real Madrid fitoi 3 Champions direkt pas largimit të Murinjos por me ekipin e ndërtuar nga Murinjo, Chelsea fitoi titullin Premier League me Konten direkt pas largimit të Murinjos por me ekipi e ndërtuar nga Murinjo. Kjo është arësyeja pse Fiorentino Perez e kërkon prapë ke Reali sepse e ka të qartë që si do që të shkojnë punët, tek e fundit Murinjo do ndërtojë një ekip fitues për vitet në vijim.