Willie McCoy, një reper i njohur si Willie Bo me grupin FBG, kishte parkuar makinën e tij Mercedes në linjën e restorantit rreth orës 10:36 të mbrëmjes.
Pas mbërritjes në Taco Bell, dy oficerë iu afruan automjetit dhe ‘vunë në dukje se shoferi nuk reagonte dhe kishte një pistoletë në prehrin e tij’. Policët nuk u përpoqën ta zgjonin dhe pritën kolegët e tyre të arrinin në vendngjarje. Sipas deklaratës, ata vunë re se makina ishte e ndezur. Kur forcat e tjera mbërritën, rrethuan automjetin. Kur u përpoqën të mbronin zonën, reperi lëvizi që të merrte armën. Policët lëshuan breshëri plumbash drejt makinës, të cilat shkaktuan vdekjen e menjëhershme të 21-vjecarit.