Të gjithë në Milano, ose thuajse duke qenë se Godin ende mungon dhe pritet të kthehet për pak ditë. Gjithsesi operacioni për t’u rikthyer në bazë në shtëpinë e Interit mund të thuhet se ka përfunduar praktikisht. Siç pritej, pas dy javësh të kaluara në vendet e tyre të origjinës, lojtarët e huaj që luajnë me fanellën zikaltër (me përjashtim të Lautaro Martinez i cili nuk ka lëvizur kurrë) janë rikthyer në Itali ku tani, sipas masave qeveritare, do të duhet të respektojnë 14 ditë të një karantine të re. Pas Handanovic dhe Brozovic, i pari që u largua dhe i pari që u kthye, ishte radha e Christian Eriksen, Victor Moses, Ashley Young e deri Romelu Lukaku që u kthye dje në qytet.
Për të gjithë, një karantinë e re po vjen. Katërmbëdhjetë ditë izolim në shtëpi, por edhe punë pasi Antonio Conte gjithashtu në këtë periudhë nuk hoqi dorë asnjë sekondë, duke realizuar së bashku me stafin e tij një protokoll të ngurtë të stërvitjeve në shtëpi. Për më tepër, tani që të gjithë janë rikthyer në Milano, gjithashtu do të jetë e mundur të rifillojë një kontroll ushqimor, i cili ishte i pamundur gjatë qëndrimit jashtë vendit. Siç dihet, trajnimet kolektive nuk do të mund të rifillojnë para datës 4 maj (datë e caktuar për momentin aktual, por gjithsesi do të shihet se si do të zhvillohet situata), por që kjo të jetë e mundur, së pari do të jetë e nevojshme të kryhen verifikimet mjekësore dhe testet e fitnesit sportiv të përcaktuara për në fund të prillit. Pra operacioni i rinisjes, me të gjitha të panjohurat e tij, ka filluar.