Fabio Capello analizon skuadrat e përfshira në Kampionatin Evropian ose ato që janë larguar tashmë pa e rrudhur gojën. Gjatë një interviste të gjatë dhe interesante për Corriere della Sera, ish-trajneri i Milanit, Romës dhe Juves foli në 360 ° për turneun dhe gjysmëfinalen në të cilën Italia do të përballet me Spanjën.
ITALIA – “Unë gjithmonë e kam vendosur Italinë në katër finalistët. Kam parë rritjen e ekipit, një evolucion që mund të sjellë përfitime për lëvizjen tonë. Unë do t’i thosha vetëm një gjë futbollit italian, shpresoj të mos shohin më se çfarë bënin të tjerët 10 vite më parë, le të shohim se çfarë po bën Mancini. Italia është një ekip që luan futboll të mirë, të shpejtë. Ata janë të vëmendshëm dhe agresivë, të gjithë të shoqëruar me një cilësi të caktuar, unë do të thoja që ka të gjitha kushtet për të bërë mirë”.
SPANJA – Për Spanjën, Capello ka qenë i ashpër në konstatim: “Çfarë duhet të kemi frikë? Që të mos na zërë gjumi. Spanja luan futboll të ngadaltë, nëse përshtatemi me atë ritëm rrezikojmë të vuajmë. Spanja ka cilësi të shkëlqyera teknike, posedim të shkëlqyeshëm të topit. Për t’iu kundërvënë kësaj karakteristike e tyre ne kemi nevojë për shpejtësi dhe qartësi kur rikuperojmë topin: menjëherë në kundërsulm dhe të jemi agresivë. Kemi kualitet dhe pastaj mbrojtja spanjolle nuk është aspak e pathyeshme”.
ANGLIA – “Sinqerisht, unë e shoh shumë mirë. Është kompakte, luan futboll të kujdesshëm në mbrojtje dhe në mesfushë. Ata janë agresivë dhe vdekjeprurës në goditjet standarde. Ukrainës i shënuan dy gola me topa inaktivë dhe tre me goditje me kokë. Duhen patur në konsideratë, janë në një moment të shkëlqyer. Të mos pësosh gol është një ndryshim i mentalitetit. Pastaj portieri Pickford luan mirë me këmbë: një armë më shumë”.
FRANCA – “Mbappé e përkeqësoi Europianin e tij duke humbur penalltinë vendimtare. Franca më dukej shumë mendjemadhe: ne jemi ‘madhështia’, nuk kishin përulësi dhe shkuan në shtëpi”, komentoi Capello.
ERIKSEN – “Danimarka është një ekip kombëtar që ka cilësi dhe përulësi, ata e ndihmojnë shumë njëri-tjetrin dhe janë lojtarë të mirë. Çështja Eriksen fillimisht i shkatërroi, pastaj i bëri përsëri bashku. Ai ishte ylli i ekipit. Ata po bëjnë gjëra interesante, tani është koha për të guxuar. Ata janë të shkujdesur, krahasuar me të tjerët janë më të lehtë. Lideri është Kjaer, edhe për atë gjest të bukur në dramën e Eriksen”.
IMMOBILE E SIMULIMI – “Simulimet e Immobiles? Unë nuk dua të fajësoj lojtarin. Përgjegjësia e parë qëndron tek gjyqtarët italianë. Ata na kanë mësuar në këtë mënyrë dhe dikush pyet veten: pse nuk duhet ta bëj edhe këtu? Sigurisht që nuk është e ndershme nën etikën sportive. Gjyqtarëve italianë u mungon aftësia për të kuptuar nëse është një mashtrim. Ata vazhdojnë të fishkëllejnë çdo faull minimal, sepse duan ta mbajnë lojën në dorë, por ndeshja duhet vetëm të luhet vetëm. Është çështje personaliteti”.