Besnik Dizdari tallet keq me komentatorët dhe gazetarët sportivë të “Euro 2020”

“Kanë gjithsej vetëm 150 fjalë”. “Ndërtojnë fraza me një sintaksë të ciditshme”. “Madje shfaqen në studiopte e spektakleve televizive edhe me bluzat e skuadrave të huaja duke u shtirur si tifozë të tyre”. Një nga gazetarët vetreranë të sportit, eruditi besni Dizdari i ka thumbuar keq komentatorët e ndeshjeve të Euro 2020 madje ka shigjetuar edhe prezencën e tyre në “talk shoë”-t e mbrëmjeve. “…vazhdoi fjalori i varfër i teletransmetimit që sillet rreth vetëm nja  150 fjalëve. Gjithnjë me sundimin e për- caktimit kundërgjuhësor që thotë se  “ndeshja ishte e luftuar”! Ndërkaq, shpresa që patëm se kësaj here nuk do të na i merrte mendtë e padurueshmja “super”, nuk u realizua. Po ashtu, edhe protagonizmi i telekronistit me prepotencën e teletransmetimit (“ndeshja luhet ngaqë e transmetoj unë”).  Dhe më e rënda. Marramendje që nuk ndalte prej gati thirrjes në TV se “unë  jam tifoz i Gjermanisë” e “ti tifoz i Italisë”, “ne tifozët e Anglisë” “e ju tifozët  e Spanjës”” ka shkruar ai në një koment për Panorama sport.

Pikërisht kjo dukuri e tifozllëkut të komentatorëve sportivë shqiptarë e ka cuar Dizdarin deri në sarkazëm: “U arrit deri aty saqë edhe gazetarë dolën  në studio të veshur me fanellën e Italisë. Këtë vetëmburrje “koreografike” nuk  e bëri as vetë Italia në emisionet e saj, ndonëse ajo po fitonte Kampionatin e Europës”.

Gazetari i vjetër ka një shpjegim edhe për faktin se emisionet për Euro 2020 që ishin “kopje besnike e njëra-tjetrës – më të shumta se asnjëherë tjetër, në mos gaboj nja tetë në çdo javë, natyrisht në të njëjtat orare” patën cilësi ka të dobët: “Mjafton të thuash se asnjë prej të sotmëve (komentatorëve) nuk ka zënë vend përmes konkursit të zotësisë e të talentit. Edhe ngaqë në Shqipëri asnjëherë nuk dëgjojmë që u organizua një konkurs për të ofruar gazetarë të fjalës së shkruar, të folur apo asaj të ekranit”.

©Lapsi.al