Jahti me 11 persona në bord në Vlorë lëshon sinjalin SOS. Një jaht me 11 persona në bord ka lëshuar alarmin SOS nga Gjiri i Gramës në Vlorë. Paraprakisht dyshohet se jahti ka pësuar një defekt në motor dhe për këtë arsye, është vendosur të lajmërohet policia bregdetare. Mësohet se në jaht ka pasur pushues të cilët kishin shkuar për plazh në Gjirin e Gramës, ndërsa tashmë po punohet për evakuimin e tyre.