Babai i modeles Gigi Hadidi, Mohamed është paditur së fundmi nga fqinjët e tij.
Sipas mediave të huaja, arsyeja ka qenë ndërtimi i shtëpisë së Hadid, një vilë që po ngrihet majë një kodre.
Katër fqinjët, që kanë kërkuar një dëmshpërblim prej 26 milionë dollarësh, kanë pretenduar se ndërtimi i shtëpisë u solli atyre një dekadë stresi, ankthi dhe netësh pa gjumë.Ata u shprehën se shtëpia u shndërrua në një kantier me dyfishin e madhësisë së planeve origjinale që dilnin sipër tyre dhe u ndërtua në një kodër të prirur për rrëshqitje toke që mund të binte mbi shtëpitë e tyre.Mirëpo, gjykata nuk u ka dhënë të drejtë duke bërë që Hadid të fitojë betejën ligjore, edhe pse gykatësi Craig Karlan e quajti rezidencën një rrezik dhe urdhëroi që ajo të prishej dy vjet më parë.