Në ndeshjen e mesditës për javën e 25 të Serie A, Milani mposhti 1-0 Sampdorian duke kaluar në krye të renditjes, me 55 pikë +1 ndaj Interit (që duhet të rikuperojë ndeshjen kundër Bolonjës). Në San Siro ndeshja u vendos me një gol, pas vetëm 8 minutash, i shënuar nga Leao, i cili përfitoi nga asisti i përsosur direkt nga portieri Maignan, për të mundur Falconen, më i miri i skuadrës së tij.
Asist i shfrytëzuar. Milani falënderon Interin dhe Napolin, bën detyrën duke hequr qafe Sampdorian dhe e vendos veten të vetëm në krye të renditjes, një pikë mbi Interin. Sigurisht që zikaltrit janë gjithmonë me një ndeshje më pak (ndeshja jashtë fushe me Bolonjën), por ndërkohë efekti është dehës, një përforcues i madh në aspektin psikologjik. Edhe sepse përpara ndeshjes tjetër direkte – atë jashtë fushe në Napoli – Djalli do të ketë një kalendar të afërt me Salernitanën dhe Udinesen. Në San Siro vendosi një gol pas tetë minutash i Leaos (prezenca numër 100 me kuqezinjtë për të), i cili shënoi pas një asisti direkt nga… Maignan. Është një Milan i sigurt, në formë, plot ide, edhe pse kanë çaluar në pjesën e mbylljes së ndeshjes, pavarësisht një sasie të madhe rastesh gol. Sampdoria u tregua e paaftë dhe në pamundësi për të krijuar shqetësime për kuqezinjtë përballë një Djalli superior. Që tani është edhe në renditje i tillë. Herën e fundit që Milan ishte i pari në renditje ishte në javën e 16 të kampionatit.