Kryeministri Albin Kurti, në një intervistë për mediumin britanik SkyNews, ka folur për agresionin rus në Ukrainë dhe mundësinë që Putini të destabilizojë edhe Ballkanin. Kurti ka përmendur lidhjet e forta të Rusisë me Serbinë dhe takimin e fundit në nëntor të vitit të kaluar të Putinit me Vuçiqin në Rusi. Kryeministri kosovar e ka quajtur presidentin rus, president despotik që e urren NATO-n.
“Ballkani s’është imun nga efektet e situatës në Ukrainë, sepse në Ballkan kemi një shtet që s’ka vendosur sanksione ndaj Rusisë dhe s’është rreshtuar me BE-në për ta dënuar agresionin rus dhe ajo është Serbia ne kemi kufi të gjatë me Serbinë që s’e njeh Kosovën. Rusia me Serbinë kanë lidhje të forta dhe këto lidhje janë kulturore dhe ushtarake e ekonomike. Serbia ka 14 aeroplanë luftarakë Mig29, donacione nga Rusia dhe Bjellorusia”, ka thënë Kurti.
Tutje, shefi i qeverisë e ka quajtur presidentin rus, president despotik që do të provojë të transferojë luftën në Ballkanin Perëndimor.
“Të gjitha kompanitë ruse kanë degët e tyre në Serbi, dhe qytetarët e Kosovës janë të shqetësuar që presidenti despotik Vladimir Putin do të provojë ta transferojë luftën edhe në Ballkanin Perëndimor për ta shdërruar në betejë të tij me demokracitë perëndimore”, tha ai.
Kryeministri Kurti ka shprehur edhe njëherë dëshirën që Kosova të anëtarësohet në BE dhe NATO pas zhvillimeve të fundit, shkruan gazeta Express.
“Ne qëndrojmë të vendosur dhe vigjilent dhe s’jemi të frikësuar, ne duam të anëtarësohemi në BE dhe NATO, ne kemi NATO-n në Kosovë por sa më parë që anëtarësohemi në NATO do të kemi stabilitet më të madh të rajonit. Presidenti Putin në nëntorin e kaluar ka pritur presidentin e Serbisë, Vuçiq në Soçi, dhe i ka shfaqur një hartë të Kosovës të përqëndruar në veriun e Kosovës sepse aty ka struktura ilegale që operojnë atje praktikisht janë në koordinim të afërt për atë kryeqytetet e BE-së duhet të kërkojnë nga Beogradi ta dënojnë agresionin e Rusisë në Ukrainë. Për këtë BE dhe NATO duhet të angazhohen më shumë në Ballkanin Perëndimor. Prandaj unë ju bëj thirrje 5 shteteve mosnjohëse të BE-së që ta njohin Kosovën dhe në këtë mënyrë do të kontribuojnë në paqe, stabilitet dhe siguri”, tha ai.
I pyetur për deklaratat e Putinit se kosovarët kanë marrë pjesë në luftë krah ukrainasëve në rajonet lindore, Kurti tha se kjo shfaq tendencën e Putinit që ta shndërrojë luftën hibride në luftë klasike.
“Kjo shfaq synimin e tij, s’ka kosovarë që kanë shkuar të luftojnë në Donbas, është Rusia që ka aneksuar Donbasin dhe Krimenë. Më herët e ka përmendur një herë në muaj tani Putini po e përmend Kosovën çdo javë sepse ai e urren NATO-n e urren perëndimin ai është lider despotik që është i hidhëruar dhe nostaligjik që do të shndërrojë luftën hibride në luftë klasike, ka luftë hibride edhe në Ballkan, dhe Sputniku ka qendrën në Beograd për tërë rajonin”, tha Kurti për mediumin britanik./Express
Sa ka humb ur Kosova qe nga 1999-2020 qe s’kishim politikanet qe duheshin pikerisht ne kohen me te keqe. Bravo Albin. Po e cmonton propganden serbe te bere per 2 shekuj, ne dem te shqiptareve. Kohe edhe me te mira do te vijne
Pavaresisht se duket i pasinqerte eshte qendrimi i duhur. Meqe ra fjala, me sa kam pare neper keto vende kam pershtypjen se kompanite Ruse kane dege ne te gjithe boten sllave te Ballkanit me pak perjashtime. Ky eshte ndoshta moment spastrimi edhe i varesise ekonomike Ruse ne rajon.
Pse i pasinqerte, se po flet kudner serbeve dhe ne fakt|(sipas teje)nuk eshte anti-serb,pra eshte i pasinqerte? Po thote fakte jo te verteta(qe ne fakt mund te verifikohen shume kollaj qe jane te sakta ato qe thote)? E vertete qe ruset kane nostalgjike kudo ne vendet sllave, por puna eshte qe shumica e vendeve sllave,(me apo pa deshire) i dolen kunder Rusise, perjashto klyshin e saj Serbine qe nuk i del kunder asnjehere, keshtu qe fokusimi nga ne shqiptaret duhet bere tek mosdalja kunder e Serbise, se ne fund te fundit ajo gje na intereson ne si shqiptare, qe ta diskretitojme politiken serbe, se deri sot janehequr si properendimore.Kemi moment ideal t’ia heqim masken, dhe kete po ben Kurti.
Bravo Albin!
Shko mer kar bej shurren. Komunist i vockel.
Pse Albini qe i drejtohet ashper Putinit nuk i drejtohet ashper Rames qe shkaterron pa meshire shtepite e
banoreve te 5 majit, te Laprakes e Paskuqanit. Ai qe te prish shtepine eshte Putin, eshte Hiller .,
Nuk ka rendesi cfare gjuhe flet, e cfare kombesie ka, ai eshte armik i atyre familjeve.