Një 50-vjeçar është gjetur i vdekur në rrugë nga kalimtarët, pranë Rrugës së Elbasanit në Tiranë.
“Më datë 04.06.2022, në Rrugën e Elbasanit, është gjetur nga kalimtarët, pa shenja jete, një shtetas rreth 50 vjeç, ende i paidentifikuar.”, thuhet në njoftimin e policisë.
Sipas njoftimit paraprak të policisë, në trupin e viktimës nuk janë konstatuar shenja dhune. Grupi hetimor ndodhet në vendngjarje dhe po punon për sqarimin e rrethanava të ngjarjes.