Juventus kthehet të fitojë pas dy ndalesave radhazi, por pavarësisht 2-0 me të cilën kalon Spezian në javën e katërt të Serie A skuadra e Allegrit nuk bind. Vlahovic përsëritet nga goditja e dënimit, duke e bërë të thjeshtë për Juventus në fillim të takimit, ndërsa Milik mbyll llogarinë duke i dhënë fund vuajtjeve të bardhezinjve, që mes dy golave patën rënie të theksuar ritmi e idesh. Ndalon edhe Napoli, që nuk shkoi më shumë se 1-1 përballë Lecces.
JUVENTUS 2-0 SPEZIA
Pas dy barazime radhazi, Juventus rikthehet te fitorja. Në javën e katërt të Serie A, skuadra e Allegrit mposhti 2-0 Spezian dhe ngjitet në kuotën e tetë pikëve si Milani, Lazio dhe Napoli. Në Stadium bardhezinjtë e nisën mirë dhe zhbllokuan ndeshjen falë një tjetër goditje dënimi të përsosur nga Vlahovic (9′), por më pas humbën ritmin në mënyrë dramatike dhe vuajtën shumë. Goli që e bëri të sigurt rezultatin mban firmën e Milik në kohën shtesë (91′). Problemi më i madh për Allegrin, që pa të rikthehet në fushë Di Maria si zëvendësues, është dëmtimi i rëndë i Szczesny, që doli nga fusha me barrelë dhe në lot.
NAPOLI 1-1 LECCE
Në javën e katërt të Serie A, Napoli nuk shkoi përtej barazimit 1-1 në shtëpi ndaj Leçes, duke u ndalur në 8 pikë e duke humbur kontaktin me Romën në krye të renditjes. Spalletti zgjodhi një turnover të madh dhe skuadra e vuajti. Në të 25′ Meret priti një penallti ndaj Colombos dhe pas 2 minutash Elmas zhbllokoi ndeshjen nga fare pranë. Ish-sulmuesi i Milanit Colombo e justifikoi veten duke gjetur golin e parë në A, që vlen barazimin, me një goditje me të majtën në hyrje të zonës që përfundoi në kryqëzimin e shtyllave (31′). Në pjesën e dytë sulmi i napoletanëve nuk dha asnjë fryt dhe dy skuadrat ndanë pikët.
Italy Serie A
Empoli 1-1 Verona
Sampdoria 1-1 Lazio
Udinese 1-0 Fiorentina
Juventus 2-0 Spezia
Napoli 1-1 Lecce