Në fundin e ndeshjes mes Chelsea e Liverpool, kamerat e Stamford Bridge filmuan një skenë të veçantë. Një tifoz i vogël i Reds shfaqi një pankartë të veçantë. Mbi të ishte shkruar: “Të dua më shumë se babin tim. Kam ditëlindjen, a mund të më japësh fanellën tënde?”. Një deklaratë e vërtetë dashurie, e pritur mirë nga ylli uruguajan Darwin Nunez. Sulmuesi sapo e pikasi ngriti gishtin e madh në shenjë aprovimi dhe u drejtua nga vogëlushi. Kështu, tifozi i vogël i Reds mori dhuratën e tij të ditëlindjes: fanellën e Darwin Nunez.
Lexo më tej: Video/ Irritohet Chelsea, VAR i anulon dy gola në barazimin me Liverpool: fitore për Brighton, Leeds e Aston Villa
Rezultati? Një dënesë e madhe lumturie për vogëlushin, i lumtur që ka parë idhullin e tij nga afër. E tani ka edhe fanellën aq shumë të lakmuar. Edhe babai i djaloshit, pavarësisht shkrimit në pankartë, dukej i lumtur me këtë dhuratë. Një ditëlindje e paharrueshme për tifozin e vogël. Bravo Darwin.
A special birthday gift from @Darwinn99 ❤️ pic.twitter.com/tB2T3z9Np2
— Liverpool FC (@LFC) April 4, 2023
BARAZIM ME GOLA TË ANULUAR
Sa për ndeshjen: debutimi i trajnerit të përkohshëm Nruno Saltor në pankinën e Chelsea përfundoi me një barazim 0-0. Nga një pikë për Blues dhe Liverpool, në një mbrëmje ku VAR ishte protagonisti i tretë. Në minutën e 26′, në fakt, londinezët panë t’i anulohet një gol. Festimi i ndërprerë në mes ishte ai i James. Situata u përsërit në fillimin e pjesës së dytë, por këtë herë ishte Havertz që iu mohua 1-0 i mundshëm për prekje të topit me dorë. Liverpool, nuk fiton në kampionat që prej 5 marsit (7-0 me United) dhe është ende në 43 pikë, -7 nga Champions League. Nga ana tjetër, Chelsea mbetet edhe në kuotën 39 pikë, në krizë të plotë dhe me një guidë të re teknike ndonëse të përkohshme.