Përcaktohen sonte edhe dy gjysëmfinalistët e mbetur, për të plotësuar katër më të mirët e Champions League. Favoritët janë Manchester City e Inter, për fitoret e arritura në ndeshjet e para. Por Bayern Munich e Benfica do të bëjnë të pamundurën për të përmbysur situatën. Tuchel e ka një mision të pamundur, sepse bavarezëve të tij i duhen 3 gola përballë Haaland dhe Guardiolës. Portugezët duhet të bëjnë përmbysjen e madhe në San Siro, por dy gola ndaj Inter për të shkuar në shtesë do të jetë gjithësesi e vështirë.
BAYERN MUNICH – MANCHESTER CITY (0-3)
Duke u rikthyer në ish-shtëpinë e tij pa asnjë grimë ndjenjash, Pep Guardiola udhëheq skuadrën e tij, Manchester City, në ndeshjen e dytë të çerekfinales së Champions. Kundër Bayern Munich në Allianz Arena në mbrëmje, kampionët e Premier League zbresin me një avantazh 3-0. Thomas Tuchel duhet të bëjë një mrekulli për tu kthyer në lojë. Tre gola ndaj Citizens e pa pësuar duket një mision i pamundur. Kjo duke patur parasysh edhe forcën e zjarrit të anglezëve me Haaland mbi të gjithë.
BAYERN MUNICH
Pas një mosmarrëveshjeje në fushën e Etihad, dyshja sulmuese Mane dhe Sane u përfshinë në një përplasje të bujshme në dhomën e zhveshjes. Senegalezi e la shokun e tij të skuadrës me një buzë të fryrë nga një grusht dhe u hoq nga skuadra për ndeshjen me Hoffenheim në fundjavë. Megjithatë, Tuchel ka konfirmuar se Mane do të kthehet në skuadër për ndeshjen e dytë. Por tekniku gjerman duhet të bëjë pa të dëmtuarit afatgjatë Manuel Neuer (këmba e thyer) dhe Lucas Hernandez (ACL). Jashtë ndeshjes në Allianz janë edhe të rinjtë Paul Wanner (nofulla) dhe Gabriel Marusic (ACL). Lajmi më pozitiv është rikthimi në stërvitje e sulmuesit Eric Maxim Choupo-Moting. Sulmuesi befasues në këtë sezon me 17 gola ka lënë pas dëmtimin në gju. Por mbetet për t’u parë nëse atij do t’i jepet drita jeshile për të filluar ndeshjen e dytë si titullar.
MANCHESTER CITY
Sa i përket udhëtuesve, Guardiola ka vetëm një lojtar mbi mungesën e të cilit duhet të punojë. Phil Foden vazhdon të rikuperohet pas operacionit të apandesitit, e duhet të kthehet në fushë para fundit të muajit. Pasi pa lojtarët e tij të mposhtnin Leicester para se të binte bilbili i pjesës së parë, Guardiola i mohoi Haaland një trigolësh duke e larguar atë në pjesën e parë. Edhe Stones, Rodri dhe Kevin De Bruyne gjithashtu u thirrën shpejt në pankinë për ti ruajtur për kthimin në Mynih. Me 11 gola ndërkombëtarë në emër të tij deri më tani, një realizim më shumë për Haaland në mbrëmje do ta barazonte atë me Ruud van Nistelrooy. Norvegjezi do të kërkojë rekordin për më shumë gola në Champions League në një sezon të vetëm nga një lojtar i Premier League. Holandezi shënoi 12 për Manchester United në 2002 -03 dhe është një kufi që Haaland mund ta arrijë.
FORMACIONET E MUNDSHËM
Bayern Munich:
Sommer; Pavard, Upamecano, De Ligt, Davies; Kimmich, Goretzka; Sane, Musiala, Coman; Choupo-Moting
Manchester City:
Ederson; Akanji, Dias, Ake; Stones, Rodri; Silva, Gundogan, De Bruyne, Grealish; Haaland
Lexo më tej: Video/ Dy penallti të humbura në Maradona, krizë e thellë e Chelsea: Milan e Real në gjysëmfinale
INTER – BENFICA (2-0)
Një shpërqendrim i mirëpritur nga seria negative e Serie A e pret Interin në San Siro. Zikaltrit presin në shtëpi Benfica për ndeshjen e dytë çerekfinale të Ligës së Kampionëve. Skuadra e Simone Inzaghi shihej si jo favorite në Estadio da Luz. Por ata u kthyen në bazë me një avantazh 2-0 në ndeshjen e parë, duke vendosur një këmbë të fortë në gjysmëfinale.
INTER
Pati edhe dëmtime për Inter në humbjen e tyre të ulët ndaj Monza. Qendërmbrojtësi Stefan de Vrij u largua në fillim të pjesës së dytë me një shqetësim në kavilje. Megjithatë, ende nuk është e qartë se sa kohë mund të jetë jashtë fushës holandezi. Francesco Acerbi duhet të kthehet në fushë sidoqoftë. Në infermieri me De Vrij do të bashkohet edhe shoku i tij i mbrojtjes Milan Skriniar. Dëmtimi i sllovakut në shpinë nuk rikuperohet në kohë për ndeshjen e dytë e është shqetësimi i fundit për teknikun Inzaghi. Me grupin kthehet Hakan Calhanoglu, i rikuperuar nga një problem në kofshë. Marcelo Brozovic megjithatë pritet ta mbajë Calhanoglu jashtë skuadrës për momentin. Një ndeshje ku për të mos rrezikuar duhet shënuar. E më i motivuari është Lukaku, që po kërkon golin e tij të 10 në Champions me ngjyrat zikaltër. Vetëm katër lojtarë e kanë arritur më parë këtë kufi për Interin. Sidoqoftë, dyshja e Edin Dzeko dhe Lautaro Martinez, që kanë pushuar mirë, mund të reformojnë partneritetin e tyre ofensiv.
BENFICA
Ndërkohë që Interi vuan në qendër të mbrojtjes, është situatë e kundërt për Benfica. Portugezët do të kenë në qendër të mbrojtjes kampionin e botës Nicolas Otamendi. Argjentinasi rikthehet nga dënimi i vuajtur në ndeshjen e parë. Në këtë pikë Morato është gati të largohet nga formacioni titullar. Mesfushori Florentino është gjithashtu i disponueshëm, pasi humbi humbjen ndaj Chaves për shkak të pezullimit. Julian Draxler dhe Mihailo Ristic janë të dy me probleme muskulore dhe duket se do të mungojnë ndaj Inter. Ndërsa mbrojtësi i djathtë Alexander Bah po përballet me të paktën disa javë të tjera mungesë për dëmtimin në gju. Kështu që Gilberto do të vazhdojë të performojë në vijën e pasme të Eagles. Asnjë sulmues nuk ka bërë më shumë presion në të 1/3 e fundit sa Goncalo Ramos, 299 për Benfica në sezonin aktual të Champions. E 21-vjeçari synon të thyejë një thatësirë prej tre ndeshjesh pa gola në San Siro, pasi ka shënuar tashmë 25 në të gjitha turnetë këtë sezon.
FORMACIONET E MUNDSHËM
Inter Milan:
Onana; Darmian, Acerbi, Bastoni; Dumfries, Barella, Mkhitaryan, Brozovic, Dimarco; Dzeko, Martinez
Benfica:
Vlachodimos; Gilberto, A. Silva, Otamendi, Grimaldo; Florentino, Aursnes; Neres, R. Silva, Mario; Ramos