I lidhur në shtëpi me të fejuarën e tij ndërsa i grabitën 500 mijë euro. Kjo ndodhi dy netë më parë me Gianluigi Donnarumma dhe të dashurën e tij Alessia Elefante. Tronditja për portierin e PSG-së, viktimë e një grabitjeje në Paris, ishte e pashmangshme. Ish-lojtari i Milanit më pas arriti të shpëtojë duke ikur nga shtëpia dhe duke u strehuar në një hotel aty pranë. Numri një, i cili ka pësuar disa dëmtime, i ka treguar ndjesitë që e kanë përshkuar për “Libero”: “Të gjesh në tre të natës njerëz në shtëpi, papritur, mendoj se është ndjesia më e keqe që mund të përjetosh”.
Policia franceze tashmë po heton ngjarjen për të kuptuar se si të rindërtojë me saktësi historinë. Deri tani nuk ka asnjë pistë, që të hedhë dritë mbi personat e përfshirë: “Mua më bllokuan dhe nuk mund të lëvizja. E Alessia u detyrua të dorëzonte gjithçka që kishim me vlerë – shtoi Donnarumma.
“Nuk mund të hyj në shumë detaje, sepse ka hetime në vazhdim. Na u desh të largoheshim nga apartamenti për të lejuar kryerjen e inspektimeve. E për të kryer kqyrjet e dobishme për hetimin ne qëndruam përkohësisht në një hotel. Frika ishte e madhe, por edhe më e madhe ishte se mund ti ndodhte diçka Alessias. Unë isha i lidhur, nuk mund të bëja asgjë. Pastaj unë nuk e zotëroj mirë frëngjishten dhe ishte e vështirë t’u shpjegoja atyre njerëzve se ku ishin të gjitha gjërat. E ishte Alessia, ende shumë e frikësuar, bashkë me ta. Momente vërtet drithërues dhe të një tmerri të thellë, mbi të gjitha frikë për të. Isha i terrorizuar se mund ta lëndonin”.
Lexo më tej:Grabitje e dhunshme në shtëpinë e Donnarumma: portierin e lidhin dhe e rrahin bashkë me të fejuarën
DONNARUMMA NUK ËSHTË I VETMI
Portieri është vetëm i fundit në një seri lojtarësh të PSG-së që kanë rënë viktimë e vjedhjeve në vitet e fundit. Grabitjet zakonisht janë bërë në mungesë të tyre, duke filluar nga Presnel Kimpembe te Marquinhos, nga Thiago Silva te Angel Di Maria, nga Dani Alves-Mo Sergio-Moting I, Eric Chou e deri te Eric Madi.