Bebe Rexha ka konfirmuar ndarjen nga Keyan Safyari, pas tre vitesh së bashku. Këngëtarja “I’m Good (Blue)” ndau lajmin gjatë performancës së saj të Bebe Rexha: Best F’n Night Of My Life në Londër më 28 korrik.
Ndërsa prezantonte këngën “Atmosphere”, Rexha i tha turmës: “Tani sapo kalova një ndarje që të mund të emocionohem pak, kështu që ju duhet të më ndihmoni këtu”. Artistja, e cila ishte me Safyarin që nga viti 2020, mori mbështetje nga turma, me një pjesëmarrës të koncertit që mbante lart një tabelë ku shkruhej, “Ti mjafton”, ndërsa ajo performonte këngën e saj “I Am”.
Lajmi vjen vetëm dy javë pasi thashethemet për ndarje filluan të vërtiteshin, kur Bebe postoi disa mesazhe nga Safyari, duke e kritikuar atë se kishte shtuar në peshë. Këngëtarja shkoi në historinë e saj në Instagram për të ndarë një foto të tekstit të supozuar, në të cilin Keyan i tha se ai thjesht po përpiqej të ishte “i sinqertë” me të për pamjen e saj.
“Hej. Asnjëherë nuk kam thënë që nuk je e bukur dhe nuk kam thënë kurrë që nuk të kam dashur. Në fakt kam thënë sa e bukur je dhe sa shumë të kam dashur”, thuhej në tekst. “Por gjithmonë kam thënë se do të jem i sinqertë me ty dhe fytyra jote po ndryshonte, kështu që të thashë se po”. “Kjo ishte biseda që po bënim,” vazhdonte teksti. “Për shkak se më intereson, a do të preferoje të të gënjeja? Ti shtove 35 kilogramë, padyshim që ke shtuar peshë dhe fytyra jote ndryshoi. A duhet të pretendoj se nuk ndodhi? Unë shtova 3 kilogramë dhe më quajte bullafiq. Nuk do të thotë që nuk më do. Nëse po përpiqesh të gjesh arsye për t’u ndarë, kjo ka kuptim./Lapsi.al