Bray Wyatt, i lindur në Windham Rotunda, superylli i WWE, ku ishte edhe kampion në vitin 2017, ka humbur jetën në moshën 36-vjeçare. Një humbje e papritur dhe që ka tronditur botën e Wrestling.
BRAY WYATT NDAHET NGA JETA PAPRITUR
Vdekja e Wyatt u njoftua në mediat sociale përmes një mesazhi të postuar në Twitter nga ish-wrestleri amerikan Paul Michael Levesque, i njohur më mirë si Triple H: “Sapo mora një telefonatë nga Hall of Fame i WWE. Mike Rotunda (babai i Bray red ) na informoi për lajmin tragjik se anëtari i përjetshëm i familjes WWE, Windham Rotunda – i njohur gjithashtu si Bray Wyatt – ndërroi jetë papritur sot”, thuhet në postim. Triple H më pas kërkoi të respektohet privatësia e të dashurve të wrestlerit: “Mendimet tona janë me familjen e tij dhe kërkojmë nga të gjithë që të respektohet privatësia e tyre në këtë moment”.
Just received a call from WWE Hall of Famer Mike Rotunda who informed us of the tragic news that our WWE family member for life Windham Rotunda – also known as Bray Wyatt – unexpectedly passed earlier today. Our thoughts are with his family and we ask that everyone respect their…
— Triple H (@TripleH) August 24, 2023
SHKAKU I VDEKJES SË BRAY WYATT
Gazetari i Fightful.com Sean Ross Sapp ndau më shumë informacione rreth shkakut të vdekjes. “Më është dhënë leja të zbuloj se në fillim të këtij viti Windham Rotunda (Bray Wyatt) ishte sëmurë me Covid. E kjo i kishte shkaktuar atij një problem me zemrën”, thuhet në Twitter.
“Që atëherë, ishin bërë përparime të konsiderueshëm përsa i përket kthimit dhe shërimit të tij. Por, për fat të keq, sot ai pati një atak në zemër dhe ndërroi jetë”. Wyatt ka lënë pas ish-gruan e tij, Samantha Rotunda dhe dy vajzat e tyre. Si dhe partneren e tij të re, JoJo Offerman, me të cilën ka pasur dy fëmijë.
I was given permission to reveal that earlier this year Windham Rotunda (Bray Wyatt) got COVID that exacerbated a heart issues.
There was a lot of positive progress towards a return and his recovery. Unfortunately today he suffered a heart attack and passed away.
— Sean Ross Sapp of Fightful.com (@SeanRossSapp) August 25, 2023