Harry Maguire kritikohet gjithnjë e më shumë në Angli për paraqitjet e tij. Nën shënjestër për gafa skandaloze e autogola flagrantë, mbrojtësi i Manchester United i habit të gjithë. Ai i pranon polemikat si një e mirë më e madhe, që u lejon shokëve të tij të luajnë pa presion.
Nga mbrojtësi më i paguar në botë (tani i dyti pas Gvardiol) te një katastrofë totale, duket se është një hap i shkurtër. Për saktësi duhet pyetur Harry Maguire. Mbrojtësi nga kapiteni i Manchester United dhe Anglisë është bërë zgjedhja e fundit në klub dhe autori i paraqitjeve të tmerrshme me kombëtaren.
Në ndeshjen e fundit madje shënoi një autogol kundër Skocisë, pasi hyri në lojë gjatë pjesës së dytë. Pra, kritikat vërshuan mbi mbrojtësin nga të gjitha anët e Anglisë, por Maguire pati një reagim të papritur ndaj të gjitha këtyre sulmeve. Mund të jetë më i kritikuari, por kur vjen puna te justifikimet është fenomenal.
DEKLARATA E HABITSHME E MAGUIRE
Në fakt, mbrojtësi i Manchester United deklaroi: “E kanë grumbulluar presionin mbi mua. Unë mund ta përballoj. Nuk do të thosha se jam dikush që lufton mendërisht me presionin. Kam kaluar shumë në dy vitet e fundit dhe sërish kam qenë kapiten i Manchester United për gati katër vjet”. Për më tepër, Maguire shtoi: “Praktikisht largon presionin nga shokët e skuadrës dhe e vendos të gjithën mbi mua. Kjo i bën ata të luajnë më mirë, sigurisht”.
Lexo më tej: Video/ Bellingham gol e asist kundër skocezëve: Gjermania ngre kokën në miqësoren me Francën
Kështu, roli i mbrojtësit anglez është një rol martiri. E mund të jetë edhe kështu, pavarësisht se ka më shumë gjasa që shokët e tij të jenë më të shqetësuar kur e shohin të dalë në fushë. Ndoshta nuk kanë presionin e mediave, por kanë stresin për të kompensuar gabimet e tij.
Harry Maguire: “I can deal with criticism. The first four weeks were hard because it was one game a week and the manager didn’t select me but we have lots of games coming up now”. 🔴🏴 #MUFC
“I am sure I will play lots of games”, told Express. pic.twitter.com/PsG7zJRn9o
— Fabrizio Romano (@FabrizioRomano) September 14, 2023