Gary Medel dhe Diego Costa. Dy karaktere jo tamam të thjeshtë për dy lojtarë që kanë jetuar pjesën më të madhe të karrierës së tyre në Evropë. Është e pashmangshme që, me dy personazhe të tillë përballë njëri-tjetrit në një fushë futbolli, një përplasje është gjithmonë pas kthesës. Kështu, gjatë ndeshjes Vasco da Gama-Botafogos, kiliani dhe spanjolli ishin protagonistët e një skene aspak të bukur, ku ish-lojtari i Inter vuri në siklet publikisht kundërshtarin e tij. Videoja bëri xhiron e internetit.
INJORIMI I MEDEL NDAJ DIEGO COSTA
Në ndeshjen mes Vasco Da Gama dhe Botafogo, të fituar nga vendasit 1-0 me një gol të Paulos në pjesën e parë, pati hapësirë edhe për një pëballje të ashpër. Medel dhe Diego Costa u përfshinë në një moment tensioni, që u shndërrua shpejt në një tallje epike të kilianit ndaj sulmuesit.
Menjëherë pas një diskutimi të zjarrtë me ish-sulmuesin e Atlètico Madrid dhe Chelsea, Medel u largua me shpejtësi. Pas bërtitjeve të spanjollit, ai fillimisht mbajti hundën me dorë, më pas duke tundur dorën para fytyrës, sugjeroi në mënyrë të shëmtuar se fryma e Diego Costa mbante erë të rëndë. Diego Costa, i shtangur dhe i irrituar, u përpoq të mos i jepte peshë provokimit të kundërshtarit, edhe pse zemërimi i tij ishte i dukshëm.
😳🇧🇷 Gary Medel, haciéndole un gesto de “MAL ALIENTO” a Diego Costa, en pleno Vasco-Botafogo.
Jajaja, increíble. pic.twitter.com/ItQE7jVK0t
— Ataque Futbolero (@AtaqueFutbolero) November 6, 2023