Adrien Rabiot ishte njeriu që vendosi ndeshjen kundër Romës. Një gol që e lejon Juventus t’i afrohet Inter në renditje. Tani kreu i kampionatit është vetëm dy pikë larg. Mesfushori francez vazhdon të deklarojë hapur objektivin e titullit, pavarësisht fjalëve të Massimiliano Allegri. Tekniku, nga ana e tij, vazhdon të pretendojë si objektiv zonën Champions League: “Barazimi i Inter? Po, dje e pamë ndeshjen e tyre dhe e dinim se mund ta shkurtonim diferencën. Besuam te titulli më parë dhe tani, pas kësaj fitoreje, besojmë edhe më shumë. Është një objektiv për mua dhe për të gjithë ekipin, por sezoni është ende i gjatë”.
Mesfushori francez, duke folur për Dazn, shtoi: “Nuk kisha shënuar ende në Stadium. Jam i lumtur që e kam bërë para këtyre tifozëve të jashtëzakonshëm. Edhe ata besojnë te titulli, duhet ta bëjmë edhe ne, për ata”.
Rabiot nuk flet shumë për të ardhmen: “Ndihem mirë këtu, por ende duhet të mendoj për këtë dhe të flas me klubin. Ne do të flasim për këtë më vonë, jam i qetë dhe po mendoj duke shijuar ndeshjet”.
Enjoy the last day of 2023, Bianconeri! 😃🙌 pic.twitter.com/doqvoBsNfp
— JuventusFC 🇬🇧🇺🇸 (@juventusfcen) December 31, 2023
SZCZESNY: “TITULLI? NUK I IKIM PËRGJEGJËSIVE”
Szczesny, duke folur për Dazn, mbajti të njëjtën linjë me Rabiot: “Ne nuk mund të ikim nga përgjegjësia për të synuar objektivat maksimale sepse jemi Juventus. Kemi bërë një fazë të parë të mirë, por nuk duhet të jemi të kënaqur. Ne kishim objektivin e zonës Champions League, tani jemi -2 nga Inter dhe duhet të ëndërrojmë për titullin. Në nivel loje ka shumë për të përmirësuar, por baza jonë është të jemi të bashkuar dhe të përfitojmë nga episodet. Sigurisht që duhet të përmirësohemi në shfrytëzimin e potencialit të sulmuesve tanë, të cilët mund të shënojnë 20-30 gola në sezon. Më pëlqen shpirti që kemi dhe ky tashmë është një mini-titull sepse ka munguar vitet e fundit” përfundoi portieri.