Sot është një datë shumë e rëndësishme për Lazio dhe jo vetëm sepse është vigjilja e derbit për të kaluar në gjysmëfinale të Kupës së Italisë. 9 janari është në fakt data zyrtare e lindjes së klubit kryeqytetas, i cili feston 124 vjetorin e tij.
Si çdo vit, tifozët u mblodhën në Piazza della Libertà në Romë për të pritur mesnatën dhe për të festuar përvjetorin. Mediat i dhanë pastaj vëmendjen e duhur përvjetorit, veçanërisht gazetat romane. Corriere dello Sport në veçanti i kushtoi hapësirë të mjaftueshme çështjes, megjithatë u bë protagoniste e një gafe të bujshme që bëri që shumë tifozë të Lazio të zemëroheshin.
💙 9 gennaio 1900#CMonEagles 🦅 pic.twitter.com/QaGCvjDWRE
— S.S.Lazio (@OfficialSSLazio) January 9, 2024
GAFA E BUJSHME E CORRIERE DELLO SPORT
Gazeta sportive romane raportoi festën e tifozëve të Lazio në një artikull të publikuar në faqen e saj, duke e ilustruar me foto dhe video të natës së festës që u zhvillua në Piazza della Libertà. Megjithatë, problemi, siç kanë theksuar shumë mbështetës të bardhekaltërve, është se në zgjedhjen e imazhit të kopertinës së artikullit, faqosësi ishte protagonist i një gafe të bujshme, duke zgjedhur një foto të tifozëve të Romës, me flamuj verdhekuq të valëvitur.
Lexo më tej: Lotito nis shigjetimet: “Më parë ishim një çiflig i Juventus, tani është e kundërta”
Një gafë që ka indinjuar shumë tifozë të Lazio, të cilët shprehën të gjithë acarimin e tyre në rrjetet sociale. Në të kaluarën, Corriere dello Sport kishte bërë një “ngatërresë” në lidhje me bardhekaltrit, si për shembull me rastin e speciales së Sinisha Mihajlovic dhjetorin e kaluar, ku nuk u shfaq asnjë foto me trajnerin e ndjerë serb të veshur me fanellën e Lazio. Një gabim për të cilin drejtori Ivan Zazzaroni u kërkoi menjëherë falje të gjithë tifozëve lacialë.
