Gjyqi që përfshin Dani Alves, i akuzuar për agresion seksual, do të mbahet midis 5 dhe 7 shkurt në Gjykatën e Apelit të Barcelonës. Ngjarjet datojnë në dhjetor 2022 dhe dyshohet se kanë ndodhur brenda një klubi nate të njohur në kryeqytetin katalanas. Braziliani ndodhet në burg prej gati një viti dhe në këtë periudhë ka ndryshuar disa herë versionin e ngjarjeve, duke u deklaruar fillimisht i pafajshëm, më pas duke folur për një marrëdhënie konsensuale dhe duke e shtrembëruar historinë e tij në dy raste të tjera.
Tani, siç bëhet e ditur nga El Periòdico, me sugjerimin e avokates së tij të re, ish-mbrojtësi i Brazilit është gati të ndryshojë versionin e tij për të pestën herë. Ai do të mbështesë një tezë krejtësisht të re mbrojtëse.
VERSIONI I RI I DANI ALVES
Siç u përmend, Dani Alves tashmë ka ndryshuar versionin e tij katër herë. Tani, megjithatë, me këshillën e mbrojtjes së tij të udhëhequr nga avokatja e re Inés Guardiola, ai po përpiqet të paraqesë një version të ri. Futbollisti do të mbështesë teorinë e dehjes për të demonstruar se ka vepruar në mënyrë të pandërgjegjshme. Duket se mbrojtja do të kërkojë pafajësi dhe argumenti i dehjes mund të aplikohet si rrethanë lehtësuese për të kërkuar ulje të mundshme të dënimit.
Lexo më tej: Lëvizja e fshehtë e Dani Alves: 150 mijë euro viktimës së pretenduar për të ulur dënimin
Mbrojtja do të shoqërohet edhe me prova, një faturë blerjeje për pijet e konsumuara nga grupi i tij në mbrëmjen e krimit. El Periodico shtoi se edhe Joana Sanz do të dëshmojë në gjyqin ndaj Alves. Modelja dhe me sa duket ish-bashkëshortja e futbollistit do të paraqesë një deponim në të cilën do të duhet të sqarojë nëse lojtari kishte probleme të përsëritura me alkoolin dhe nëse kishte vënë re shenja dehjeje atë mbrëmje në telefonatën që kanë bërë.