Një gjykatë në Korenë e Jugut ka dënuar për ngacmim se*sual, aktorin e Squid Game, Oh Young-soo.
Young-Soo u shpall fajtor për sjellje të papërshtatshme ndaj një aktoreje në vitin 2017. Ai u dënua me tetë muaj me kusht dhe u urdhërua të ndiqte 40 orë mësime për dhunën seksuale.
Prokurorët e akuzuan Young-Soo në vitin 2022, pasi një aktore, e cila nuk u identifikua, paraqiti një ankesë duke e akuzuar atë se e kishte prekur në mënyrë të papërshtatshme.
Në shumë raste në gusht dhe shtator 2017, Young Soo e kishte përqafuar gruan, i kishte mbajtur dorën, e kishte puthur në faqe dhe ishte shtrirë në dhomën e saj të marrë me qira, ku kishte bërë komente seksuale.
Disa muaj përpara se të akuzohej, Young See u bë koreano-jugori i parë që fitoi një Golden Globe, si aktori më i mirë për rolin e tij si Lojtari Nr. 001 në “Squid Game”.
Ai gjithashtu u nominua për një Emmy 2022 për performancën e tij në shfaqje, ende seriali më i ndjekur ndonjëherë në Netflix.