Edhe sot so të në Kuvend do të diskutohet ngritja e Komisionit të Posaçëm për Reformën Zgjedhore.
Ishte pikërisht ky projektvendim që seancën e kaluar të bëhej shkak i tensioneve dhe përplasjeve mes mazhorancës dhe opozitës në seancën e javës së kaluar.
Opozita ishte përgatitur për ta debatuar, por mazhoranca e shtyu me një javë debatin.
Seanca e javës së kaluar u ndërpre disa herë pasi deputetet e opozitës bllokuan foltoren dhe kërkonin që debati për këtë projektvendim të bëhej atë ditë.
Por, bllokimi i foltores bëri që kryetari i Kuvendit Gramoz Ruçi të përjashtojë nga seanca kreun e PD Lulzim Basha. Basha, së bashku me deputetët opozitarë u “ngujuan” në parlament, ndërsa Ruçi paraljamëroi ehde me thirrjen e gardës për të nxjerrë Bashës jashtë sallës së Kuvendin.
Seanca u shty për në orën 18:00, por Basha dhe deputetët e tij nuk e braktisën sallën e Kuvendit deri në atë orë, pasi kishin frikë se nuk do të lejohej të futej më brenda kreu i opozitës.