Presidenti i Kosovës, Hashim Thaçi do ta mandatojë ditën e premte si kryeministër, kandidatin e Lëvizjës Vetëvendosje, Albin Kurti. Një ditë pas konstituimit të Kuvendit, Gazeta Express raporton se Presidenti ka vendosur t’ia japë mandatin Kurtit ta formojë qeverinë.
Sipas të njëjtave burime, Presidenti e ka ftuar Kurtin të premten në orën 11:00 për t’i dhënë mandatin. Këtë të enjte Glauk Konjufca u zgjodh Kryetar i Kuvendit. Të gjitha këto zhvillime vijnë kur mes LDK dhe VV nuk ka ende një marrëveshje për krijimin e qeverisë.