Superkupa Europiane mes Bayern Mynih e Sevilla është trofeu i parë ndërkombëtar i sezonit të ri, por edhe shija e një futbolli të madh. Në stadiumin “Puskas Arena” të Budapest do të luhet në skenë edicioni i 45 i Superkupës së Europës. Këtë vit do ta diskutojnë Bayern, që ka fituar Champions League duke mundur në finale PSG e Sevilla, që ka triumfuar në Europa League, duke mundur në finale Interin. Të dyja skuadrat kanë ngritur lart trofeun prestigjioz vetëm një herë në historinë e tyre.
SITUATA
Afërsisht një muaj që kur goli i Kingsley Coman i dha Bayern fitoren 1-0 kundër Paris Saint-Germain në Estadio da Luz në Portugali, skuadra e Hansi Flick do të kërkojë ti shtojë trofeun e katërt palmaresit të jashtëzakonshëm. Në fakt, kampionët e Gjermanisë e Europë e kanë pak problem Superkupën e Europës, trofe që nuk e fitojnë nga 2013 (e vetmja herë kur kanë triumfuar).
Sevilla, pavarësisht rekordit të tyre të kohëve të fundit në Europa League, kanë gjithashtu të njëjtën sindromë me bavarezët kur vjen puna tek Superkupa, trofe që e kanë fituar një herë në 2006 dhe që e kanë humbur tre herë radhazi mes 2014 e 2016.
RISIA
Ndeshja do të jetë e para e UEFA-s ku tifozët do të lejohen të futen në stadium. Në Puskas Arena në periferi të Budapestit, secila skuadër do të ketë rreth 3,000 tifozë, edhe pse parashikohet që në total të jenë prezentë 20 mijë spektatorë në një impiant që mund të përballojë 65mijë.
MUNGESAT
Bayern Munich mund të mirëpresë mbrojtësin e majtë Alphonso Davies, pasi kanadezi mungoi në fitoren e ekzagjeruar 8-0 në debutimin në Bundesligë kundër Schalke 04 si masë paraprake, për ta patur në dispozicion pikërisht në Superkupën e Europës.
Problemet për Flick megjithatë nuk do të mungojnë. Kingsley Coman dhe blerja e verës Tanguy Nianzou do të mungojnë të dy.
Mund të ketë një tjetër debutim tek Sevilla për mesfushorin Ivan Rakitic, që u rikthye tek andaluzianët nga Barcelona në këtë verë, pas 6 vitesh të kaluar në Nou Camp.
FORMACIONET
BAYERN MYNIH 4-2-3-1
Portier: M. Neuer
Mbrojtës: A. Davies, J. Boateng, D. Alaba, L. Hernandez
Mesfushorë: J. Kimmich, L. Goretzka, S. Gnabry, T. Mueller,
L. Sane
Sulmues: R. Lewandowski
SEVILLA 4-3-3
Portier: Y. Bounou
Mbrojtës: J. Navas, J. Kounde, S. Escudero, D. Carlos
Mesfushorë: I. Rakitic, J. Jordan, Fernando
Sulmues: Suso, L. Ocampos, Y. En-Nesyri