Rusia ka regjistruar një shifër rekord rastesh të reja. Në 24 orët e fundit janë regjistruar 29.350 të infektuar të rinj, shifra më e lartë që prej nisjes së pandemisë së koronavirusit.
Lajmi është bërë i ditur nga qëndra kombëtare antikoronavirus, sipas së cilës 493 njerëz vdiqën nga ky virus në ditën e fundit.
Zonat me numrin më të lartë të rasteve të reja është Moska, me 7,797 infeksione në një ditë, Shën Petersburg me 3,752 dhe rajoni i Moskës me 1,523.
Sipas studiuesve të Institutit Gamaleya, që ka punuar për vaksinën ruse, ”Sputnik V”, ajo është 91,4% efektive, bazuar tek të dhënat e marra nga personat 28 ditë pas dozës së parë dhe 7 ditë pas dozës së dytë.