Një ngjarje e rëndë ka ndodhur në zonën e Vaut të Dejës në Shkodër. Një i moshuar ka qenë duke transportuar një pllakë guri për në varrezat katolike të fshatit Shkjezë, kur pllaka i ka rënë në kokë, duke i marrë jetën. I moshuarit me inicialet N. Th., mësohet së është penguar dhe është rrëzuar.
Policia e Vau i Dejës/ Shkodër
Informacion paraprak: Më datë 07.06.2021, rreth orës 17.00, shtetasi N. Th., 67 vjeç, duke transportuar një pllakë guri për në varrezat katolike të fshatit Shkjezë, Bushat, Vau i Dejes, dyshohet se aksidentalisht është penguar duke i rënë pllaka e mermerit në kokë dhe për pasojë shtetasi N. Th., ka humbur jetën. Grupi hetimor nën drejtimin e Prokurorisë po vijon punën për sqarimin e plotë të rrethanave të ngjarje.