Familja e Kobe Bryant dhe ato të viktimave të rrëzimit të helikopterit në kodrat e Calabasas (Los Angeles) në janar 2020, ku humbën jetën ylli i basketbollit NBA, vajza e tij 13 vjeçare Gianna dhe shtatë persona të tjerë, kanë arritur një marrëveshje për t’i dhënë fund procedurave ligjore kundër pilotit dhe kompanisë së avionit, siç raportohet nga media amerikane. Gjykata ende nuk e ka vlerësuar këtë marrëveshje, detajet e së cilës nuk janë bërë të ditura.
Disa muaj më parë, një raport nga Autoriteti i Sigurisë së Transportit (NTSB) ia atribuoi aksidentin gabimit të pilotit, duke fajësuar gjithashtu kompaninë për shkeljet e politikës së sigurisë. Island Express Helicopters, të cilët vetë kishin paditur dy kontrollorë të trafikut ajror, kishin mohuar çdo përgjegjësi. Familjarët e viktimave, përfshirë Vanessa Bryant, e veja e yllit të Los Angeles Lakers, kishin paditur përfituesit e pilotit Ara Zobayan (i cili vdiq në aksident) dhe kompaninë që zotëron helikopterin, Island Express Helicopters.