Nuk është kurrë vonë për t’u kthyer në fushat e futbollit. Ose të paktën nuk është për Denílson de Oliveira Araújo, i njohur nga të gjithë thjesht si Denílson, i cili në moshën 44-vjeçare, dymbëdhjetë vjet pasi u tërhoq nga futbolli, ka vendosur të rifillojë të luajë. Do ta bëjë me fanellën e Ibis Sport Club, një klub futbolli brazilian me qendër në qytetin Paulista, në shtetin e Pernambuco.
Ishte një kohë, ishte vera e vitit 2001, kur Betis Sevilla pagoi shumën e konsiderueshme prej 31.5 milionë euro për të blerë të talentuarin Denilson nga San Paolo. Në atë kohë ishte blerja më e shtrenjtë në historinë e futbollit. Kanë kaluar 21 vite nga ajo lëvizje e bujshme dhe pas një karriere me më shumë ulje se sa ngritje, braziliani ka vendosur të rikthehet për të luajtur. Fakti është se ai tani është 44 vjeç dhe i kishte varur këpucët në gozhdë 12 vite më parë …
Pas një karriere që e çoi në Spanjë, Francë, Arabinë Saudite, SHBA, Vietnam dhe Greqi, ‘dribluesi’ 44-vjeçar do të veshë fanellën e Ibis, një klub që luan në ligat e ulëta braziliane dhe që njihet si “skuadra më e keqe në botë”. Ishte vetë Denilson që zyrtarizoi marrëveshjen: “Tani mund të flas! ËSHTË ZYRTARE! Oferta erdhi dhe unë reflektova me familjen time… Nga sot mbaj veshur fanellën e Ibis”.
Já to preparado pra apresentação amanhã!
Fala aí se não to bem com o manto do @ibismania! pic.twitter.com/eVuyNFKENd— Denilson Show (@denilsonshow) March 22, 2022
Menjëherë pas kësaj mbërriti edhe konfirmimi nga klubi brazilian: “Me Ibis, asgjë nuk është e pamundur. Vitin e kaluar u ngjitëm në divizionin e parë… E këtë vit… E PAMUNDURA NDODHI SËRISH!”, shkruan Ibis duke iu referuar marrëveshjes së gjetur me Denilson.
Com o Íbis, nada é impossível. Ano passado, subimos pra primeira…
E este ano… O IMPOSSÍVEL ACONTECEU NOVAMENTE!
Contratamos um Campeão do M-U-N-D-O! 🏆 🌎
Vem vestir essa camisa, @denilsonshow 🔥
Vem descobrir o que é ser #OPiorEntreOsMelhores 🚀 pic.twitter.com/tq9QWZdpBW— Íbis Sport Club (@ibismania) March 22, 2022
Kështu, kthimi i Denilson është zyrtar. Mbetet vetëm për t’u parë nëse në moshën 44-vjeçare braziliani do të jetë ende i aftë të paktën për një pjesë të atyre driblimeve të mahnitshme që e bënë atë lojtarin më të shtrenjtë në botë në fillim të viteve 2000.