Shakira jo shumë kohë më parë publikoi këngën “Te Felicito” me Rauw Alejandro, e cila ka qenë një nga këngët më të dëgjuara të vitit 2022 deri më tani. Tani ajo ka bashkëpunuar sërish në një tjetër single që me siguri do të vazhdojë të marrë tepër pëlqime.
Këtë herë Shakira u bashkua për të bashkëpunuar në këngën “Don’t You Worry” me Black Eyed Peas dhe David Guetta.
Kënga tashmë ka më shumë se shtatë milionë dëgjime në “YouTube”, një platformë që premierë videon zyrtare të premten e kaluar më 17, së bashku me aplikacionet muzikore si “Spotify”, “Apple Music”, “Amazon Music”, për të përmendur disa.
Black Eyed Peas janë të njohur për pikëpamjet e tyre futuriste për jetën siç kanë bërë që nga viti 2010, por këtë herë ata krijojnë kontakte me alienët.
“Mos u shqetëso,”– janë fjalët e Shakirës që në titullin e këngës.
“Ndihem shumë e gjallë, po jetoj jetën time më të mirë,”– vazhdon më tej Shakira dhe duket që këto fjalë janë një kunjë e hapur ndaj Pique.
Kujtojmë se pas dymbëdhjetë vitesh dashuri në të cilat kanë krijuar një familje të bukur, Shakira dhe Gerard Piqué vendosën të shkojnë në rrugë të ndara. Pas disa javësh thashetheme për krizë, këngëtarja dhe futbollisti i FC Barcelona njoftuan përfundimin e lidhjes së tyre në një deklaratë publike.
“Me keqardhje konfirmojmë se po ndahemi”, thuhej në një letër të nënshkruar nga këngëtarja kolumbiane dhe lojtari i Barcelonës.
“Për mirëqenien e fëmijëve tanë, të cilët janë prioriteti ynë kryesor, ne kërkojmë respektimin e privatësisë së tyre. Faleminderit për mirëkuptimin”, shtoi çifti.