Pete Davidson dhe Emily Ratajkowski kanë zyrtarizuar së fundmi lidhjen e tyre.
Nju Jork Knicks publikuan disa foto të çiftit të ulur në Madison Square Garden gjatë ndeshjes së Knicks kundër Memphis Grizzlies.
Dyshja ishte duke qeshur dhe duke shijuar natën e tyre, e cila shënoi daljen e parë publike që nga aludimet për romancë në fillim të këtij muaji. Postimi u prit me shumë komente, duke përfshirë nga ekipi tjetër i NBA-së, Denver Nuggets, i cili pyeti: “A mund t’i pyesni nëse është zyrtare?”Ndonëse ata nuk kanë komentuar ende për statusin e marrëdhënies së tyre, javën e kaluar, një burim i tha ET se janë në lidhjet dhe po kalojnë mirë së bashku.
Ratajkowski paraqiti kërkesën për divorc nga Sebastian Bear-McClard në shtator të këtij viti. Që nga ndarja e tyre, ajo ka filluar takimet.
“Emily po përshtatet më shumë me jetën e saj si nënë beqare që nga divorci i saj”, tha burimi. “Ajo po takohet dhe po argëtohet me Pete. Modelja mendon se aktori është super karizmatik, qesharak dhe një rikthim i mirë. Asaj i pëlqen që ata janë rehat me njëri-tjetrin dhe kalojnë mirë së bashku,” zbuloi burimi. “Gjërat po shkojnë mirë për të.”Para romancës së tij me Ratajkowski, Davidson ishte në një lidhje me Kim Kardashian. Dyshja u nda pas nëntë muajsh në gusht./Lapsi.al