Argjentina do të dalë në fushë pas pak orësh për gjysmëfinalen e Kupës së Botës kundër Kroacisë. Por tensionin vazhdon ta krijojë incidenti mes Lionel Messi dhe Wout Weghorst në transmetim direkt. Të vërtetën e incidentit e tregon gazetari që po intervstionte argjentinasin, Esteban Edul. Ndeshja mes Albiceleste dhe Holandës ishte mjaft e tensionuar. Në fushë pati disa përleshje, të cilat arbitri Lahoz i qetësoi me vështirësi, por edhe Pleshti shfaqi shenja nervozizmi pas ndeshjes.
Gjatë intervistës për mikrofonat e Tyc Sports, kapiteni argjentinas filloi të thoshte: “Çfarë po shikon, budalla? Çfarë po shikon, budalla? Ik, shko…”, duke bërë gjeste gjithëpërfshirëse me dorën e tij. Ofendimet ishin drejtuar për Wout Weghorst, autori i dygolëshit Oranje.
VERSIONI I WEGHORST
Fyerjet e Messi ndaj Weghorst bënë menjëherë xhiron e botës. E ndërsa argjentinasi nuk ka komentuar ende atë që ndodhi, holandezi dha versionin e tij: “Doja t’i shtrëngoja dorën Messi pas ndeshjes, sepse kam shumë respekt për të si futbollist. Megjithatë, ai më refuzoi dhe nuk donte të fliste me mua. Ai tha diçka që, edhe pse spanjishtja ime nuk është e shkëlqyer, ishte mungesë respekti”, ka thënë 30-vjeçari për gazetën spanjolle AS.
No amigo imaginate que te hable así Messi, desinstalo de la vida pic.twitter.com/Qv7iraCf22
— Nickos (@zNickos) December 9, 2022
E VËRTETA SIPAS EDUL
Esteban Edul, gazetari që po intervistonte Messi, duke qenë dëshmitar i mosmarrëveshjes, ka treguar detajet. Gazetari rrëfen se sulmuesi i PSG-së ishte shumë nervoz dhe se ofendimet kishin nisur para intervistës: “Pas ndeshjes të gjithë po grindeshin në dhomat e zhveshjes, jo vetëm Messi. Van Dijk u grind me Otamendin. Dukej si një Lanus-Banfield ose një Neëell’s-Rosario Central, por ishte më emocionuese sepse ata ishin yje botërorë”.
Messi ishte i tërbuar për penalltitë: “Inati i Messit ishte më së shumti për goditjet e penalltive, kur holandezët u përpoqën të pengonin argjentinasit. Numri 19, Weghorst, po e priste në tunel. Ai iu afrua Messi dhe i kërkoi fanellën. Aty filloi të nxehej Leo. Holandezi nuk e kuptoi, ndaloi dhe Messi po e ofendonte. Ai po e ofendonte shumë më tepër para fillimit të intervistës gjatë së cilës ishte pak më i qetë”.
Edul më në fund tregon se Messi nuk e ka llogaritur fare gjatë intervistës: “Leo nuk më ka llogaritur në asnjë moment gjatë intervistës. Ai ishte aq nervoz sa nuk më shikonte dhe nuk dëgjonte as pyetjet e mia. E pyeta për pasimin e tij të jashtëzakonshëm për Molinën, ai më fliste për van Gaal, për FIFA. Nuk mund ta pyesja për asgjë. Në një moment, ndërsa ishim në transmetim, i thashë “Leo, qetësohu” sepse kishte shumë njerëz nga FIFA dhe nuk e di kurrë çfarë mund të ndodhë”.
Mesi judë muti