Në majën e botës. Real Madrid fiton Kupën e Botës për Klube për herë të pestë në historinë e tyre. Pas triumfeve në 2014, 2016, 2017 dhe 2018, Blancos dominojnë përsëri. Në Rabat, Merengues triumfuan me një spektakolare 5-3 kundër Al Hilal. Vendosën dygolëshit e Vinicius (13′, 69′) dhe Valverde (18′, 58′), si dhe goli i Benzema (54′). Për sauditët realizoi Marega (26′) dhe Vietto me dygolësh (63′, 79′). Në finalen për vendin e 3/4, Flamengo fitoi 4-2 ndaj Al Ahly.
Real Madridi është kampion i botës për klube për të pestën herë në historinë e tij. Në Rabat, skuadra e Ancelottit e nisi shumë mirë dhe orientoi finalen që në minutat e para. Në minutën e 13′ Vinicius i dha avantazhin Real Madrid, me asistin e Benzema. Pesë minuta më vonë, Federico Valverde dyfishoi epërsinë me një goditje të devijuar që befasoi Al-Mayouf. Sauditët reaguan shpejt dhe ngushtuan diferencën me Marega në minutën e 26′.
Lexo më tej: Video/ Poker i Real Madrid për finalen e Botërorit: penallti e humbur e Modric e dy gola në shtesë fundosin Al Ahly
VINICIUS, VALVERDE E VIETTO PROTAGONISTË
Në pjesën e dytë, Blancos patën të njëjtin impakt me ndeshjen. Në minutën e 54′ Karim Benzema shënoi golin e 3-1, duke devijuar nga pranë, në një asist të Vinicius. Katër minuta më vonë erdhi edhe 4-1, me dygolëshin personal të Federico Valverde. Al Hilal nuk doli nga takimi dhe ngushtoi diferencën edhe një herë në minutën e 63′ me Vietto, që shënoi sërish pas golit në gjysmëfinale. Shpresa për formacionin e Ramon Diaz zgjati pak minuta, me Real që mbylli lojën në minutën e 69′ me Vinicius. Në minutën e 79′ Vietto fiksoi dygolëshin personal, që vulosi rezultatin final 5-3. Real është kampion bote për Klube për të pestën herë. Performancë stoike për Al Hilal, të cilit megjithatë iu desh të dorëzohej në finale superioritetit të Madrid.