Konfirmimi i skualifikimit të Federico Cherubini, i përjashtuar për 16 muaj e jashtë fushës deri në maj 2024, e detyron Juventusin të kërkojë një drejtor të ri sportiv. Tani do t’i mbetet administratorit të deleguar Maurizio Scanavino dhe Massimiliano Allegri që të gjejnë një zëvendësues. Aktualisht roli i tij mbulohet nga Francesco Calvo, që punon në një situatë, pak të thuash e ngatërruar dhe me një të ardhme ende për t’u shkruar. Mbi të gjitha sepse ka një merkato për t’u përgatitur, rinovime për tu diskutuar dhe një listë të ngushtë për të finalizuar. E gjitha kjo pa e ditur se për çfarë do të jemi në gjendje të konkurrojmë në të vërtetë në 2023-2024.
Emrat në listë për post Cherubini, mbi të cilët të dy punojnë në harmoni të plotë, janë gjithmonë të njëjtë. Para të gjithash është Ricky Massara i Milan, Andrea Berta i Aletico Madrid dhe Cristiano Giuntoli i Napolit. Megjithatë, Massara është i lidhur me kuqezinjtë me një kontratë, të rinovuar më pak se një vit më parë, deri në vitin 2024. Ndërsa Giuntoli duhet të merret tashmë me Aurelio de Laurentiis.
Lexo më tej: Nga Giuntoli te Igli Tare: tetë emra në lojë për drejtorin e ri sportiv të Juventus
Deri më sot, zgjidhja e brendshme duket më pak e mundshme. Kjo sepse mbi kandidaturën e Giovanni Manna, drejtor i Next Gen of Lega Pro, peshon një referim të mundshëm për çështjen që lidhet me manovrat e pagave dhe marrëdhëniet me menaxherët. Mes outsiders janë Giovanni Rossi, drejtor sportiv i Sassuolo me një të kaluar në ekipin e të rinjve bardhezi. Pastaj është Pablo Longoria, ish-shefi i skautëve të Juves dhe sot presidenti i ri (37 vjeç) i Marseille, ose David Trezeguet, që u vetëkandidua pasi kaloi një jetë të tërë duke shënuar për Zonjën.