“Cigan i m*tit” thirrjet raciste marrin reagimin e Vlahovic: Doveri e ndëshkon, serbi tërbohet me arbitrin

Finale emocionuese dhe nervoze në Atalanta-Juventus për shkak të thirrjeve fyese ndaj Dusan Vlahovic. Arbitri Doveri e ndërpreu ndeshjen për rreth një minutë piëkrisht për këtë arsye. Disa tifozë bergamaskë në sektorin Curva Nord Pisani hodhën fjalë diskriminimi racor ndaj sulmuesit serb në fund të ndeshjes. Në kohën shtesë më pas Vlahovic shënoi golin e 2-0. Lojtari i Juventus iu drejtua turmës vendase duke bërë shenjë të heshte, duke vënë gishtin në gojë dhe më pas duke ngritur krahët. Për këtë ai u ndëshkua nga arbitri Doveri.

Numri 9 i Juventus u përcaktua vazhdimisht me thirrjen “je një cigan”. “Fatkeqësisht këto janë momente të këqija që duhen injoruar edhe pse nuk është e lehtë. Por për këto duhet të mendojnë ata që duhet”, komentoi Allegri pas ndeshjes. Atalanta përveç gjobës tashmë rrezikon mbylljen e të gjithë sektorit.

Nuk është hera e parë që ultrasit e Atalantës kanë në shënjestër qendërsulmuesin serb. Vlahovic këtë herë nuk ka mundur të frenohet dhe shkoi të ankohej te arbitri i ndeshjes Daniele Doveri, i cili më pas ka ndërprerë lojën. Skena të mjerueshme në Bergamo, ku gjatë ndeshjes së fituar nga Juventus 0-2 ndaj Atalantës, tifozët zikaltër intonuan thirrje të turpshme raciste kundër sulmuesit të Juventus, Dusan Vlahovic. Nga tribunat e stadiumit Geëiss dëgjohej qartë fraza e përsëritur disa herë në adresën e serbit: “Cigan i m*tit”. Lojtarët e Gasperinit, mbi të gjitha Maehle dhe De Roon, u përpoqën disa herë t’i ndalojnë përkrahësit e tyre, por pa sukses. Arbitri Doveri për këtë arsye vendosi të ndërpresë ndeshjen, por jo para se të bisedonte me Vlahovic.

Lexo më tej: Video/ Juventus pushton Gewiss stadium: me Iling e Vlahovic bardhezinjtë fluturojnë në vendin e dytë

REAGIMI I SERBIT

Kur thirrjet kundër tij u bënë më këmbëngulëse, sulmuesi i Juventus, në mënyrë të pashmangshme nervoz, i bërtiti arbitrit: “Po a nuk i dëgjon?”. Një reagim që rezultoi me një karton të verdhë ndaj tij nga Doveri. Pothuajse në fund Vlahovic më pas shënoi golin përfundimtar 0-2 dhe të gjithë shokët e tij, për ta penguar të “hakmerret” me tifozët, e rrethuan dhe nuk e lejuan të festonte nën sektorin kundërshtar. Në fund të ndeshjes, ndoshta për të dërguar një mesazh, serbi ka marrë për dore një fëmijë. E bashkë me të ka shkuar në qendër të fushës.