Kroacia është finalistja e parë e UEFA Nations League. Skuadra e Zlatko Dalic mundi portokallinjtë 4-2 pas 120 minutash lojë. Holanda kaloi e para në avantazh në minutën e 34 me Malen. Në pjesën e dytë kroatët e përmbysin rezultatin me Kramaric (55′) dhe Pasalic (72′). Noa Lang iluzionoi skuadrën e Koeman në minutën e 96′, duke e cuar ndeshjen në shtesë. Pikërisht aty, golat e Petkoviç dhe Modric i dhanë suksesin ballkanasve. Tani Kroacia pret fituesin e gjysmëfinales tjetër mes Italisë dhe Spanjës, e planifikuar për 15 qershor në orën 20:45.
Kroacia kalon në finalen e Uefa Nations League duke mundur tulipanët 4-2 pas 120 minutash. Pjesa e parë e lojës nisi me ritëm të ulët, por pas minutave të para të intensitetit të lehtë, Holanda filloi të marrë kontrollin e lojës. Skuadra e drejtuar nga Koeman kaloi përpara në minutën e tridhjetë e katërt. Wieffer, një surprizë e madhe e kësaj Holande, pasoi për Malen, që mundi Livakovic.
PËRMBYSJA KROATI E GOLI I LANG
Në fillim të pjesës së dytë, formacioni i Dalic barazoi. Në minutën e 55′ Kramaric shënoi golin e parë të ballkanasve me një parabël nga pika e bardhë e penalltisë që mposhti Bijloë. Ndeshja ishte jashtëzakonisht e ekuilibruar, por në minutën e 72′ Kroacia përmbysi rezultatin. Në krosimin e Ivanusec e majta e Pasalic ishte e pakapshme. Skuadra e Koeman u përpoq me të gjitha mënyrat për të barazuar rezultatin. Pikërisht në minutën e fundit të kohës shtesë erdhi goli i 2-2. Pas një sulmi konfuz, Noa Lang e çoi ndeshjen në kohën shtesë.
Lexo më tej: “Hiq dorë nga Kroacia nëse do rinovimin”: Real Madrid vendos kushte për Modric
SHTESAT
Në të parën nga dy periudhat shtesë, skuadra e Dalic u rikthye në rrugën e duhur. Në minutën e 98′ i porsaardhuri Petkovic u lirua nga markimi dhe me të djathtën nga jashtë zonës mposhti Bijloë. Holanda tentoi sërish të kapte ndeshjen për herë të dytë. Por në minutën e 116′ Modric e mbylli ndeshjen duke kthyer në gol penalltinë e dhënë për një faull të Malacia.