Anna Stachurska është më mirë e njohur si “Lewandowska”, pas martesës së saj me sulmuesin e Barcelonës, Robert Lewandowski. Vajza tani ka zbuluar se ka marrë një ofertë për të luftuar në Artet Marciale Mikse: “Kam pirë një kafe me Slaëomir Peszko, pronarin e KSW(organizata kryesore e MMA në Poloni, red) dhe më tha të provoja diçka të re. Ai vlerësoi se bëhej fjalë për dy vjet përgatitje. Unë i thashë se doja të flisja fillimisht me burrin tim”.
Lexo më tej: FOTO/ Elisabetta Canalis mposht me pikë influencuesen Muratori: debutim fitues në kickboxing për ish-modelen
A do të ngjitet Stachurska në ring kjo mbetet për tu parë. Fakt është se kohët e fundit MMA po tenton të bëhet tërheqëse duke përfshirë në botën e saj edhe modele apo femra të televizionit. E fundit është Elisabetta Canalis, ish-velina dhe e dashura e Christian Vieri dhe George Clooney. Në moshën 43-vjeçare ajo ka zbritur në ring me një influencuese bolonjeze, Rachele Muratori. “Kikboksi për mua do të thotë ekuilibër, stabilitet – shpjegoi pas fitores Elisabetta Canalis – dhe gjithashtu shumë djersë. Kam disa kohë që stërvitem vazhdimisht dhe e dua këtë disiplinë. Ajo kërkon, përveç përpjekjes fizike, shumë përqendrim te vetja dhe gjithashtu kundërshtari. Qendrueshmëria në punën e kombinuar në trup dhe mendje, që mund të jetë aleat por edhe kundërshtar në jetë dhe në ring, më ka lejuar ndër vite të përmirësoj stabilitetin tim të brendshëm”.