Pas më shumë se një viti që kaluan një ndarje të trazuar, Shakira dhe Gerard Pique më në fund duket se kanë bërë paqe për të mirën e dy fëmijëve të tyre.
Media spanjolle Vanitatis zbuloi të hënën se burime të afërta me këngëtaren pretendojnë se dyshja “po ndjekin marrëveshjen e ndarjes dhe nuk ka më asnjë argument apo problem”, një mesazh të cilit i është bërë jehonë edhe nga miqtën e ish-futbollistit. Shakira tani thuhet se ndihet “pozitive dhe optimiste” pas disa periudhave të vështira në muajt e fundit dhe është indiferente ndaj spekulimeve rreth lidhjeve të saj të mundshme me pilotin e Formula 1, Lewis Hamilton, me të cilin është parë në disa raste.
Ndërkohë, Piqué dhe partnerjes së tij Clara Chía, u është ofruar më shumë privatësi në javët e fundit pasi ishin në qendër të vëmendjes së mediave kur ata dolën për herë të parë në publik. Këtë verë ata kanë kaluar pak kohë në shtëpinë e familjes së Piqué në Cabrils, afër Barcelonës, ndërsa kanë qenë duke rinovuar apartamentin e tyre në kryeqytetin katalanas. Ata tani kanë udhëtuar në Miami për të kaluar kohë me fëmijët e Geard para se të fillojnë shkollën më 21 gusht.
Sigurisht, ka pasur shumë thashetheme rreth marrëdhënies së Shakira dhe Pique pas ndarjes së tyre. Në Mamarazzis, një podcast spanjoll, i fokusuar në lajmet e të famshmëve, ka treguar se këngëtarja kolumbiane ishte e mërzitur me ish-in e saj, i cili “nuk merr aq kohë pushim nga puna dhe angazhimet personale për të qenë me fëmijët gjatë pushimeve”. /Lapsi.al