Triumfi i parë në Kupën e Botës për femra për Spanjën është shoqëruar me polemika të forta. Të pritshme në fakt, duke parë cfarë ndodhi në ceremoninë e ndarjes së çmimeve. Ka bërë bujë puthja në buzë që presidenti i Federatës Spanjolle të Futbollit, Luis Rubiales i dha futbollistes Jenni Hermoso. Sulmuesja ishte autore e golit të fitores për Furitë e Kuqe.
Mbi puthjen ‘kontroverse’ ka ndërhyrë vetë Rubiales, i cili nuk e uli fare tonin: “Ka idiotë gjithandej. Kur dy persona kanë një shfaqje të parëndësishme dashurie, nuk mund t’u kushtojmë vëmendje idiotëve dhe budallenjve – gjëmoi ekzekutivi spanjoll në Radio Marca. – Ne jemi kampionë, të shijojmë gjëra të bukura. Nuk kishte keqdashje”.
Lexo më tej: Video/ Skandali i Presidentit Rubiales: puth në buzë futbollisten Hermoso pas fitores së Botërorit
Një këndvështrim që shumë pak mund ta ndajnë në Spanjë. Puthja ishte e sikletshme për vetë futbollisten, që e komentoi nga dhomat e zhveshjes. “Nuk u ndjeva mirë”, tha Hermoso dhe në fjalët e futbollistes kuptohet qartë se nuk ishte një gjest “dashurie e parëndësishme” si thotë Rubiales. E në Spanjë ndërkohë zhurma nuk reshtet. Një vit më parë, Luis Rubiales, i cili ka qenë në qendër të polemikave të shumta edhe në të kaluarën, u akuzua se ka përdorur paratë e RFEF-së për tia “bërë jetën të lehtë presidentit”. Sipas asaj që publikoi “El Mundo”, kjo nënkuptonte duke organizuar edhe festa private.
A quien corresponda…
Jennifer Hermoso sobre el beso de Rubiales: ” no me ha gustado (…) pero qué quieres que haga yo?”.#MundialFemenino2023 #Legendarias
Campeonas del mundo pic.twitter.com/HC6OiQso7w— Tula (@TulaTulimonguer) August 20, 2023