Edicioni i 78-të i Vuelta a España do të jetë i vështirë për t’u harruar, për çiklistët të parët. Pas gjetjes së gozhdëve përgjatë rrugëtimit të etapës së dytë, pati një tentativë të re sabotimi. Gjatë etapës së tretë, policia spanjolle gjeti një pajisje të përbërë nga dy tanke – për një total prej 400 litrash lëng – gati për t’u përmbysur në rrugë kur të kalonin çiklistët. Mekanizmi (përfshirë pajisjen e aktivizimit me valvul solenoid dhe kohëmatës) ishte fshehur në bimësi, duke përfshirë tubin që do të derdhte lëngun dhe që shtrihej deri në rrugën e sipërpërmendur, duke e bërë të vështirë gjetjen. Një kërcënim që mund të kishte pasoja katastrofike.
Lexo më tej: Video/ Hapi krahët në shenjë triumfi, Evenepoel përplaset me një grua: çiklisti përfundoi i gjakosur
KATËR ARRESTIME
Siç raportohet nga El País, policia e shmangu këtë sabotim dhe ndaloi në flagrancë katër protagonistët e këtij plani. Ata u dërguan në stacionin e policisë në Lleida, afër Barcelonës, por u liruan menjëherë me kusht në pritje të gjyqit. Gjykatësi shtoi gjithashtu një urdhër ndalimi prej të paktën 500 metrash nga rruga e etapave të ardhshme të Vuelta. Megjithatë, çështja mbetet e hapur për katër vepra: shqetësim publik, kundër sigurisë rrugore, kundër mjedisit dhe përkatësi në grup kriminal.
Con este mecanismo pretendían sabotear la etapa de ayer de #LaVuelta23
👉🏻Dos bidones con 400 litros de líquido que pretendían arrojar en la calzada al paso del pelotón
👉🏻Cuatro personas detenidas in fraganti en #Lleida pic.twitter.com/pzEZpILBZ6
— Policía Nacional (@policia) August 29, 2023